ይሁዳ
«ፍቑራት፡ ብዛዕባ እቲ ሓባራዊ ምድሓንና ኽጽሕፈልኩም ብዝግባእ ተገዲሰ ኸለኹ፡ ምእንቲ እታ ሓንሳእ ንቕዱሳን እተዋህበት እምነት ብትግሃት ክትምክቱ ኽምዕደኩም ኣድላዪ ዀይኑ ረኸብኩዎ።» — ይሁዳ 3
ይሁዳ «ምስጋና» ማለት እዩ። ብርቱዕ ድሌት ኪጽሕፍ እኳ እንተ ነበሮ፡ ከምቲ ዝገበሮ ኺጽሕፍ ኣይሓሰበን ነበረ። ብዛዕባ እቲ ሓባራዊ ምድሓን ምጽሓፍ ዝያዳ ባህ ዜብልን ክቡርን ዕዮ ምዀነ ነይሩ። ይኹን እምበር፡ እቲ ንእኡ ናይ ምጽሓፍ ድሌት ዝሃቦ ኣምላኽ፡ መልእኽቲ ይሁዳ ብርቱዕን ኣገዳስን ምዕዶ ኪኸውን ወሰነ፡ ቅዱሳን «ምእንቲ እታ እምነት ብትግሃት ኪምክቱ» ኣለዎም።
መልእኽቱ ኣብ ዓለም ዘሎ ምብልሻውን ሞትን ክርስትና ኸም ዚገልጽ ተዛሪቡሉ። ትሕዝቶኡ ኸኣ ክሕደት እዩ – ብእኩያት ሰባት ናብ ክርስትና ብምእታው፡ ጸጋ ኣምላኽ ብፍቓድ ናብ ስጋዊ ድሌት ወይ ስስዔ ምቕያር።
ቋንቋ እቲ መጽሓፍ ሓያልን ትንቢታዊን እዩ። ይሁዳ ንታሪኽ ናይ ዝሓለፉ ግዜያት ንጸጋዊ ስልጣን ኣምላኽ ዝተገብረ ዕልወት ተጠቒሙ፡ ኣብ ክርስትና ኣብ ዳሕሮት መዓልታት ዚመጽእ ኩነታት ንምግላጽ። እስራኤል ካብ ግብጺ ብምድሓኖም ተባሪኾም ነበሩ፡ ግናኸ ብዘይምእማን ብዙሓት ኣብ በረኻ ጠፍኡ። መላእኽቲ እኳ፡ ብኣምላኽ ብርቱዕ ዝተባረኹ፡ ብሰሪ ዕልወት ናብ ዘለኣለማዊ ጸልማት ወረዱ። ሰዶምን ጎሞራን፡ ቃየል፡ በለዓምን ቆራሕን ኩሎም ንጽድቂ ፍርዲ ኣምላኽ ዘፍርህ መጠንቀቕታ ይህቡ።
እዚ ኩሉ ጸሊምን ኣሉታዊን ኪመስል እኳ እንተ ኸኣለ፡ ናይ ይሁዳ መወዳእታ ቓላት፡ ብ«ግናኸ ንስኻትኩም፡ ፍቑራት» (ቊ. 20) ዚጅምር፡ ንህያው ኣምላኽ እትእመን እምነት ዜተባብዕ ጽቡቕን ኣወንታዊን ምትብባዕ እዩ። ምስጋና፡ ከምቲ ኣብ ዳሕሮት ክልተ ቊጽርታት ዚርአ፡ ኣብ ዓለም ስም ኣምላኽ ዝተዋረደሉ፡ ናይ ውሉድ ኣምላኽ ንክርስቶስ ዜኽብር ኣረኣእያ ዀይኑ ይቕጽል።
እዚ ዓምዲ እዚ ካብቲ «መጽሓፍ ቅዱስ፡ 66 መጻሕፍቱ ብሓጺሩ» ዚብል መጽሓፍ እተወስደ እዩ። ካብ Believers Bookshelf USAን Believers Bookshelf Canadaን ንምግዛእ ይርከብ።
