ሕቶ፦ እባ 1 ቈረንቶስ 9:20-22 ምስ ግብሪ ሃዋርያት 21:22-27 ከምኡ’ውን እብራውያን 10:9 ብንጹር ኣብርሃለይ። ጳውሎስ እንደገና እቲ ዝተወስደ ወይ ድማ ምስ ጸጋ ዝጻረር ነገር ይገብር ነይሩ ድዩ? ንገሊኦም ንምርካብ፡ ዘይቅዱስ ጽሑፋዊ ነገራት ወይ ድማ ንሓሳብ ኣምላኽ ዝጻረር ነገር ክንገብር ንኽእል ዲና?
መልሲ፦ ግብሪ ጳውሎስ ኣብ ግብሪ ሃዋርያት 21 ቅድሚ ምጽሓፍ መልእኽቲ እብራውያን ከም ዝተገብረ ክንዝክር ኣሎና። ኣብ ግብሪ ሃዋርያት፡ ኣምላኽ ካብ ኣይሁዳዊነት ናብ ክርስትና ንምስግጋር ግዜ ከም ዝወስድ ንርኢ። ኣብ ግብሪ ሃዋርያት 21፡ ኣምላኽ ገና ንክርስትያናት ኣይሁዳውያን ካብ ኣይሁዳዊነት እቲ ኣብ እብራውያን 13:13 እንርእዮ ምፍልላይ ክገብሩ ኣይጸውዖምን ነይሩ። ጳውሎስ፡ ብዛዕባ ኣሕዋቱ ኣይሁድ ብስጋ ዘለዎ ዓሚቕ ፍቕሪ፡ ብኸመይ ይኹን እንተዳኣ በዚ ድሒኖም፡ ንሳቶም ምእንቲ ክርገም ድሉው ከም ዝነበረ ይጽሕፍ (ሮሜ 9:1-3)። ሙሴ’ውን ብተመሳሳሊ ንህዝቡ ኣብ ዘጸ 32:32 ርእሱ ኣቕሪቡ ነይሩ። እዚ ብእዞም ክልተ እግዚኣብሔር ዝፈርሁ ሰባት ብፍቕሪ ንህዝቦም፡ ብጸጋ ንምብጻሕ እናደለዩ ዝተገብረ እዩ። ንሕና ንሳቶም ኣብ መትከላት ዘይምስምማዕ ዝገበሩ ይመስለና ስለ ዝኸውን ክንዯንኖም ቀሊል እዩ፡ ግናኸ ኣምላኽ ከምኡ ኣይገብርን። ኣብ ዝኾነ ይኹን ቦታ ንኽልቲኦም ብፍቕሪ ንህዝቦም ዝገበርዎ ግብሪ ኣይዯንኖምን።
ቦታና ንፍቓድ ኣምላኽ ከምቲ ኣብ ቃሉ ዝተገልጸ ምእዛዝ እዩ። ብምሉእ ቃል ኣምላኽ ተባሪኽና ኢና፡ ንመጽሓፍ ቅዱስ ኣብ ህይወትና ንምግንዛብን ንምትግባርን ዝመርሓና መንፈስ ቅዱስ ኣሎና። ንዘይምእዛዝ ክንድግፍ ወይ ክንከላኸል ኣይንኽእልን። መወዳእታ ንመገዲ ፈጺሙ ኣየጽድቕን። ንኻልኦት ንምርካብ ኢና ንገብሮ እናበልና ዘይቅዱስ ጽሑፋዊ ነገራት ክንገብር የብልናን። ኣብ 1 ሳሙኤል 15:22 (NKJV) ንሳኦል «ምእዛዝ ካብ መስዋእቲ ይበልጽ» ተባሂሉ ተነጊርዎ።
ግናኸ ኣብተን እዋን፡ ኣምላኽ ኣምላኽ ጸጋ ምዃኑን ንሕና ድማ ኣብ ትሕቲ ሕጊ ዘይኮነስ ኣብ ትሕቲ ጸጋ ከም መትከል ህይወትና ከም ዘንበረናን ንዘክር። ከምቲ ፈሪሳውያን ዝገበርዎ፡ ጐይታ የሱስ ድማ ብንጹር ዝዯነኖ፡ ንሓድሕድና ሕግታት ከይንገብር ክንጥንቀቕ ኣሎና። ንርእስና ንምዯናን – ንኻልኦት ዘይኮነስ – ቅልጡፋት ንኹን።
— ዩጂን ፒ. ቬደር፡ ጁንየር።
