እቲ ፈተና
ሓደ ክርስትያን ተማሃራይ ኣብ ሓደ ዝኸበረ ኮለጅ፡ ኣብ ላዕለዋይ ክፍሊ ሒሳብ ምስ ሓደ ተማሃራይ ተራኸበ፡ እዚ ድማ ኣብ መጽሓፍ ቅዱስ እምነት ምግባር ዝብል ሓሳብ ዘላግጸሉ ነበረ። ንሱ ድማ በለ፦
«ብዙሓት መጽሓፍቲ መጽሓፍ ቅዱስ ስም ደረስቶም ኣይተሰርሓሎምን። ደራሲነቱ ዘይተረጋገጸን ብዙሕ ክርክር ዘለዎ መጽሓፍ ከመይ ኢልካ ክትኣምኖ ትኽእል?»
«መን እዩ ሰሌዳ ምብዛሕ ዝጸሓፈ?» ኢሉ እቲ ክርስትያን ሓተተ። «ኣይፈልጥን እየ» ኢሉ እቲ መማህርቱ መለሰ።
«እንታይ ዓይነት ሰብ ኢኻ» ኢሉ እቲ ክርስትያን ተማሃራይ ኣእወየ፡ «ትኣምኖን ትጥቀመሉን ኢኻ፡ ገና ግን መን ከም ዝጸሓፎ ኣይትፈልጥን ኢኻ።»
እቲ ዘይኣምን መልሲ ንምርካብ ኣጸጋሚ ኮይኑዎ። ንጸገሙ ፈሊጡ፡ ግን መውጽኢ ዝረኣየ ይመስሎ ስለ ዝነበረ፡ በለ፦
«ግን ሰሌዳ ምብዛሕ ይሰርሕ እዩ።»
መጽሓፍ ቅዱስ ይሰርሕ እዩ
«ብርግጽ» ኢሉ እቲ ክርስትያን ተማሃራይ መለሰ፡ «ከምኡ ድማ መጽሓፍ ቅዱስ። ይሰርሕ እዩ።»
ቃል ኣምላኽ እዩ፡ ህያው ቃል እዩ። ንሕቶታት ሰብ መልሲን ንጸገማቱ መፍትሒን ኣለዎ። ደራሲኡ ኣምላኽ መንፈስ ቅዱስ እዩ። ንመገዲ ብርሃን፡ ንነፍሲ ድማ መግቢ እዩ፡ ፈትኖ እሞ ባዕልኻ ርአ። ቃለይ ኣይትውሰድ፡ ኣንብቦ እሞ እንታይ ማለተይ ምዃነይ ክትርኢ ኢኻ!
እዚ ክንደይ ሓቂ ምዃኑ ኣሽሓት፡ ኣይፋል ሚልዮናት ሓቀኛታት ክርስትያናት ኣብ ኩሉ ዓለምን ኣብ ዝሓለፉ ዘመናትን ረኺቦምዎ።
«ወንጌል… ንዝኣምን ዘበለ ኹሉ ሓይሊ ኣምላኽ ንምድሓን እዩ» (ሮሜ 1:16)።
ኩሉ፡ ብዘይካ ሓደ እኳ፡ ብሓቂ ኣብ መድሓኒ ጐይታ የሱስ ክርስቶስ ዝኣመነ፡ ነዚ ሓቂ እዚ ክምስክር ይኽእል እዩ። ይሰርሕ እዩ።
«ቃልካ ሓቂ እዩ» (ዮሃንስ 17:17ለ)
