«ቍጽሪ ከዋኽብቲ ይፈልጥ እዩ፤ ንኹሎም ድማ ብስማቶም ይጽውዖም። ጐይታና ዓብዪ እዩ፣ ሓይሉ ድማ ዓብዪ እዩ» (መዝሙር 147:4–5)። እቲ ለይቲ ዝጸለመ ብዝኾነ መጠን፣ ንኸዋኽብቲ ብዝበለጸ ክንርእዮም ንኽእል፣ ኩሎም ድማ ብብዙሕ ርሕቀት ይርከቡ። ገሊኦም ብኣማእታት ትሪልዮናት ማይል ርሒቖም ይርከቡ። ንጉስ ዳዊት ንኣቶም እናጠመተ ይሕጎስ ነበረ እሞ ኸምዚ ኢሉ ጸሓፈ: «ሰማያት ክብሪ ኣምላኽ ይነግሩ» (መዝሙር 19:1)። ንስኻትኩምውን ትሕጎሱሎምዶ? እቲ መልሲ ኣብ ብዙሕ ቦታታት መጽሓፍ ቅዱስ ክርከብ ከሎ፣ ገሊኦም ሰባት እቲ ከዋኽብቲ ዝመልኦ ሰማይ ከመይ ከም ዝመጸ ንምፍላጥ ምፍታኖምስ ክሳዕ ክንደይ ዘገርም እዩ። እንሆ ሓደ:
«ዓለማት (ከዋኽብቲ) ብቓል ኣምላኽ ተሰርሑ፣ ስለዚ እቲ ዝረአ ዘሎ ካብ ዘይረአ ነገር ኣይተሰርሐን» (እብራውያን 11:3)። እቶም ከዋኽብቲ ብትእዛዝ ኣምላኽ እዮም ዝመጹ!
ኣብ ከዋኽብቲ መወዳእታ ከም ዘይረኸቡን፣ ብኤለክትሮን ቴሌስኮፕ ዝረኽብዎ ብዝያዳ ከም ዝግረሙን፣ ተመራመርቲ ከዋኽብቲ ይእመኑ። እቲ ሚልኪ ዌይ ዝበሃል ጋላክሲ፣ ዓለምና ሓንቲ ንእሽቶ ክፋል እያ፣ ብግምት 200 ቢልዮን ከዋኽብቲ ከም ዘለዎ ይሕብሩ፣ ከምኡ ድማ ቢያንስ 175 ቢልዮን ጋላክሲታት ከም ዘለዉ፣ ጠቕላላ ቍጽሪ ከዋኽብቲ ድማ ንኣእምሮና ንምሓዝ ዘይከኣል ክሳዕ ክንደይ ዓብዪ እዩ። ይኹን እምበር፣ ከምቲ እቲ መኽፈቲ ጥቕሲ መጽሓፍ ቅዱስ ዝነግረና፣ ኣምላኽ ንጹር ቍጽሪ ከዋኽብቲ ይፈልጥ እዩ፣ ካብኡ ዝበለ ዘገርም ድማ፣ ንነፍሲ ወከፍ ሓደ ስም ኣለዎ! ብሓቂ፣ ንኣቶም ንምቍጻር ምፍታን ትርጉም የብሉን፣ ምኽንያቱ ኣምላኽ ባዕሉ፣ «ሰራዊት ሰማይ [ብሰብ] ክቍጸር ኣይከኣልን» ኢሉ ኣወጀ (ኤርምያስ 33:22)። ከምኡ ድማ፣ «ሓደ ኮኾብ ካብ ካልእ ኮኾብ ብኽብሪ [ውበት] ይፍለ» ተባሂልና ኣሎና (1 ቈረንቶስ 15:41)። ክልተ ዝመሳሰሉ የለዉን። እቲ ብሩኽ ኣምላኽና «ንሰማያት ከም መጋረጃ» ክዝርግሕ ከሎ ክሳዕ ክንደይ ሓጐስ ክህልዎ ነይሩ! (መዝሙር 104:2)።
ፍሉያት ፍጥረት
እንሆ ሓደ ኣብነት፣ ፈጣሪ ንነፍሲ ወከፍ ኮኾብ ካብ ካልኦት ከመይ ፍሉይ ገይሩ ከም ዝፈጠሮ። ዲያሜትር ምድሪ 7,926 ማይል እዩ፣ ምስ ዲያሜትር ኮኾብ ቤተልጌዝ 540,000,000 ማይልን ዲያሜትር ኮኾብ ኣውሪጋ 750,000,000 ማይልን ክነጻጸር ከሎ። ጸሓይና 865,000 ማይል ዲያሜትር ኣለዋ፣ ወይ ድማ ካብ መጠን ምድሪ ንላዕሊ 100 ግዜ ዝበለጸ እያ። ካልኦት ብቴሌስኮፕ ክረኽቡ ዝኽእሉ እንተነጻጸርና፣ ፈጣሪ ኣብ ኩሎም ክሳዕ ክንደይ ዓበይቲ ፍልልያት ከም ዝገበረ ብምርኣይ ክንገረም ኢና።
እቲ ዝፈጠረና ንነፍሲ ወከፍ ሰማያዊ ኣካል ብቐጻሊ ይጥምቶን ንነፍሲ ወከፍ ኣብ ቅኑዕ ምሕዋሩ ይሕዝን እዩ። ንሱ ጥራይ እዩ ክፈጥሮምን ኣብ ምሕዋሮም ኣብ ጠፈር ከንብሮምን ብስርዓት ክሕዞምን ዝኽእል። ሓንቲ መዝሙር ከምዚ ኢላ ትገልጾ: «ክሳዕ ክንደይ ዘገርም እዩ!»
