ኣብ ዘመን ጸጋ ኢና ንነብር ዘሎና፣ በዚ ኸኣ ከምቲ ፊንሃስ ዝገበሮ ዓይነት ተግባር ኣይተጸዋዕናን። ግናኸ ካብዛ ዛንታ እዚኣ ክንመሃሮ እንኽእል ስነ-ምግባራዊ ስርዓታት ሎሚ እውን ኣገዳሲ እዩ። ብዙሓት ክርስትያናት ኣብ ወለዶና ኣብ መንጎ እቶም ዝኣመኑ ህዝቢ ኣምላኽ ንኽፉእ ምቅዋም ይኣብዩ። ንሳቶም ነቶም ብፍቕሪ ጐይታን ንህዝቡን ዝቐውሙ ከም «ወርዋሪታት ጦር» ይኹንኑ። ጸጋ ንሓቂ ይሕሉ: እቶም ብዛዕባ ፍቕሪ ኣምላኽ ጥራይ ክሰምዑ ዝደልዩ፣ ኣምላኽ መጽሓፍ ቅዱስ ብርሃንን ፍቕርን ምዃኑ ኺፈልጡ ይሓስሩ።
ብተወሳኺ፣ ንመወዳእታ ጉዕዞ ክንርኢ ኣሎና። ዘሕዝን እዩ፣ መወዳእታ ኣብ ቅድሚ ዓይኒ ክኸውን ከሎ፣ ሰባት ይድኽሙን ኪሓድጉ ድማ ፍቑራት ይዀኑ። ዘሁልቊ 25 ንሓደጋ ናይ ቅዱስ ምፍልላይ ምሕዳግ የርእየና። ጐይታ ክሳዕ መወዳእታ ንዕኡ እሙናት ክንከውን ይደልየና። ንሱ ከይንሓድግን ከይንደራደርን የበርትዓና። ከም ሰብ ኣምላኽ፣ ፊንሃስ ምስ ታቦት ኣምላኽን ምስ ቅዱሳት ኣቕሓታትን ተተሓሒዙ ነይሩ። ፍልጠቱ ብዛዕባ ክብሪ ኣምላኽ ብውሳነ ኺዓዪ ኣኽኣሎ።
እስራኤል ኣብ ጉዕዞ በረኻኦም ንቕድስና ኣምላኽ ዝኸውን እንታይ ምዃኑ ኺመሃሩ ፈሺሎም ነይሮም። እቲ ኣብ ዘሁልቊ 25 ተገሊጹ ዘሎ ዘሕዝን ዛንታ ናይዚ መርኣያ እዩ። እዚ ኸምቲ ጐይታ ኣብ ራእይ 2ን 3ን ዝገልጾ ታሪኽ እታ ዝኣመነት ቤተ ክርስትያን ኣይመስልን ድዩ? እዚ ኣብ ውልቃዊ ህይወትና እውን ኪኸውን ኣይክእልን ድዩ? ንቕድስናኡ ኽንፈልጥን ከምቲ ፊንሃስ ዝገበሮ ብተደጋጋሚ ኽንዓይን ንመሃር፣ ሓጢኣት ድሕሪ ሕጂ ዘይረክስሉ መዓልቲ እናተጸበና።
