ሮሜ 9–11፡ ነቲ ናብ ኩሉ ዓለም ዚበጽሕ ጸጋ ወንጌል ምስቲ ንኣብርሃምን ንዘርኡን ዝተገብረ ፍሉይ ተስፋታት ንምስምማዕ እዩ ተጻሒፉ። ሃዋርያ ጳውሎስ ብምሳሌታት ካብ ታሪኽ እስራኤል ይጅምር።
መጀመርታ፡ «ካብ እስራኤል ዝዀኑ ኹሎም እስራኤል ኣይኮኑን» ተባሂልና ኣለና (9:6) ። ንምሳሌ ይስሃቅን እስማኤልን ይጥቀም። ቃል የሆዋ ንኣብርሃም ይዝከር፡ «ብይስሃቅ ዘርኢ ኺጽዋዓልካ እዩ» (ቁ. 7) ። እስማኤል ዘይኮነስ፡ ይስሃቅ እዩ ተመሪጹ።
ካልኣይ ምሳሌ ንደቂ ርብቃን ይስሃቅን ዜጠቓልል እዩ። እቶም ደቅን ቅድሚ ምውላዶም፡ ቅድሚ ዝዀነ ይኹን ጽቡቕ ወይ ሕማቕ ምግባሮም፡ ኣምላኽ ንያቆብ እምበር ንኤሳው ከም ዘይመረጸ፡ እቲ ዓብዪ ንእቲ ንእሽቶ ኼገልግል እዩ ብምባል ይዝከር። እዚ እዩ እቲ ሓሳብ ናይቲ ጥቕሲና። ዕላማ ኣምላኽ፡ ልዑላዊ ምርጫኡን እቲ ዚመጽእ በረኸት ጸዋዕታን፡ ኣብ ግብሪ ያቆብ ወይ ኤሳው ኣይተመርኮሰን። እቲ ንርብቃ ብዛዕባ መንትያታ ዝበጽሓ ጸዋዕታ፡ ኣብ ግብሪ ሰብ ዘይኮነስ፡ ብመሰረት ልዑላዊ ዕላማን ምርጫን ኣምላኽ እዩ ነይሩ።
እዚ ንኣመንቲ ሎሚ ኣገዳሲ እዩ። ሓድሓደ ግዜ ኣምላኽ መን ከም ዚመርጾ ፈሊጡ፡ ድሕሪኡ ድማ ነቲ ሰብ ንምድሓን ከም ዝመረጾ ዚብል ሓሳብ ይሰማዕ። እዚ ቅኑዕ ኣይኮነን፡ ብሓቂ ድማ ንኣምላኽ ክብሩ ኣብ ምድሓን ይምንዝዖ፡ ከመይሲ ኣብ ግብሪ ሰባት ይምርኮስ። ከምቲ ጥቕሲና ዚብሎ፡ ካብ ግብሪ ሰብ ዘይኮነስ፡ ካብቲ ዚጽውዕ ኣምላኽ እዩ።
ብዛዕባ ምድሓን ሓላፍነትና ኣሎና፡ ማለት፡ ወንጌል ምስ ቀረበልና ክንኣምን ኣሎና። ይኹን እምበር፡ ኩሉ ክብሪ ንኣምላኽ እዩ! ልዑላውነት ኣምላኽን ሓላፍነት ሰብን ከመይ ከም ዚኸዱ ኣይንርድኦን ንኸውን፡ ግናኸ ቅዱሳት ጽሑፋት ክልቲኡ ሓሳባት ይምህሩ። ናይ ሎሚ ጥቕሲ፡ እቲ ምጅማር ብኣምላኽ፡ ብምርጫኡን ብጸዋዕታኡን ከም ዚጅምር ይምህር።
