ደም ከም ዝፍለጥን ከም ዝኸብርን ክንዛረብ ከለና፣ ኩሉ ግዜ ብቐጥታ ወይ ብተዘዋዋሪ ምስ ሓሳብ ምትዕራቕ ዝተኣሳሰር ይመስል። ባዕሉ ምትዕራቕ እዩ፤ ኣምላኽ ጻድቕ ክኸውንን ገበነኛ ጻድቕ ክገብርን ዝኽእለሉ በይናዊ መገዲ እዩ። ስለዚ ድማ ኣምላኽ በረኸት ክህብ ጥራይ ዘይኮነስ፣ ገበነኛ ንበረኸት ክቐርብ ዝኽእለሉ እዩ።
ይኹን እምበር፣ እቲ ደም ምስ ምትዕራቕ ብዝተኣሳሰረ ካብቶም ብዙሓት ዝፈልጥዎ ንላዕሊ ብዙሕ ኣጠቓቕማታትን ተግባራትን ኣለዎ። ከመይሲ ንዝኣምኑ ዘለኣለማዊ ህይወት ንምሃብ ከም ዝቐረበ፣ ባዕሉ ከም ምትዕራቕ፤ ከም ምውጋድ ሓጢኣት፤ ከም ምጽዳቕ፣ ይቕረ ምባል፣ ምቕራብ፣ ሰላም፤ ከምቲ ንሕሊና ሓጢኣተኛ ጥራይ ዘንጽህን ንሕሊና ቕዱስ ንጹህ ገይሩ ዝሕዝን፤ ኣብ ሓደ ቦታ ንሰብ ዘንጸሐ፣ ኣብ ካልእ ቦታ ድማ ንኽዳውንቲ ዘንጸሐ፤ ከም ምድሓን፣ ናብ ቅድስተ ቅዱሳን ምቕራብ፣ ናይቲ ቦታ መተኣማምንን መሓዝን፤ ናይ ግዢና ዋጋ፣ ቅድስናና፣ መርኣያ ምርጫና፣ ስልጣንና ኣብ ልዕሊ ሰይጣን፣ ሓይልን መለክዒን ምእዛዝና ንኣምላኽ፤ እቲ ሓድሕድና ርክብ ዘሎናሉ፣ ማሕተም ናይ ዘለኣለማዊ ኪዳን፣ ወዘተ. ተባሂሉ ክርአ ይኽእል። መንፈስ ቅዱስ ነቲ ደም ብኸምዚ ዝኣመሰለ ዝተፈላለየ መገዲ ይጥቅሶ!
ቅዱሳን፣ ብዝኾነ ድኻም ይኹን፣ ንግምት ኣምላኽ ብዛዕባ እቲ ደም ኣብ ኩሉ ዝተፈላለየ ኣጠቓቕማታቱ ይፍለጥዎ፣ ብመንፈስ ቅዱስ ድማ ንግምት ኣምላኽ ክቕበሉን ናይ ገዛእ ርእሶም ከወግዱን ይማሃሩ።
ብዛዕባ እቲ ደም ዘይምፍላጥ፣ ወይስ ንኡኡ ዘይምግደስ፣ ናይ ዓለም ኩነኔ እዩ። እቲ ምስ ደም ዝምስክር መንፈስ ቅዱስ፣ ነዚ ነገራት እዚ ክንሓስብ ከለና፣ ስጋን ደምን ክገልጾ ዘይኽእል ነገር ይግለጸልና!
