ኣይሞተን፣ የግዳስ ህያው እዩ!

ብስራት– ሚያዝያ 2011 –መጽሔት ጸጋን ሓቅን

ኣይሞተን –የግዳስ ህያው እዩ!

እቲ ዝተጨማደደ ተለግራም ኣብ ልዕሊ ሰደቓ ተነቢሩ ነበረ።እቲ “ጠፊኡን ሞይቱ ተባሂሉን” ዝብል ዕድለ-ቢስ ቃላት፣ ኣብ እዋን ካልኣይ ውግእ ዓለም ንብዙሓት ኣባይቲ ዝበጽሕ ዝነበረ ሓዘን ዝመልኦ መልእኽቲ ነበረ። ንሳምን ዶራን ድማ ብፍላይ ኣዝዩ ሓዘን ዘስዕብ ነበረ፣ ምኽንያቱ ጴጥሮስ እንኮ ወዶም ስለ ዝነበረ። እቲ ውግእ ክዛዘም ቀሪቡ ነበረ፣ ንሳቶም ግን ዳግማይ ኣይርእይዎን እዮም። ድሕሪ ገለ ኣዋርሕ፣ ሓደ ሰብ ኣፍ ደገኦም ኳሕኳሕ ኣበለ። ምስ ከፈትዎ ድማ፣ ጴጥሮስ ኣብኡ ነበረ፣ ኣይሞተን፣ የግዳስ ህያው እዩ! እንታይ ዝበለ ንብዓት ሓጎስ፣ ሕቕፍታን ምብሳምን!

ደቀ መዛሙርቲ የሱስ በታ ናይ መጀመርታ ፋሲካ ሰንበት ልክዕ ከም ሳምን ዶራን ተሰሚዕዎም ክኸውን ኣለዎ። የሱስ፣ ምስኡ ሰለስተ ዘይርሳዕ ዓመታት ዘሕለፍዎ፣ ሞይቱ ተባሂሉ ጥራይ ዘይኮነስ፣ ብሓቂ ሞይቱ ነበረ! ኣብ መስቀል ክመውት ርእይዎ ነበሩ። ጸላእቱ ከም ዝሞተ ኣረጋጊጾም ነበሩ። ሓደ ካብቶም ሮማውያን ወተሃደራት “ጎድኒ የሱስ ብኲናት ወግአ፣ ብኡብኡ ድማ ደምን ማይን ወሓዘ” (ዮሃ. 19:34 NIV)።

እቲ ዓርቢ ስቕለት ነበረ።ሕጂ ፋሲካ ሰንበት ነበረን ደቀ መዛሙርቲ ድማ ሓዘን፣ ግራህትን ፍርሕን ሓዲርዎም ነበረ፣ ምናልባት ኣይሁድ ንኣቶም እውን ክሰቕልዎም ይደልዩ ይኾኑ ኢሎም ይፈርሑ ነበሩ። ሽዑ የሱስ መጺኡ ኣብ ማእከሎም ደው በለ። ሞይቱ ነበረ፣ ሕጂ ድማ ዳግማይ ህያው ኮይኑ! ጥርጥር ክህሉ ኣይክእልን እዩ። “ደቀ መዛሙርቲ ንጐይታ ምስ ረኣይዎ ኣዝዮም ተሓጐሱ” (ዮሃ. 20:20)።

ትንሳኤ የሱስ ንደቀ መዛሙርቲ ኩሉ ነገር ለወጠሎም። ድሕሪ ሕጂ ኣይፈርሁን ነበሩ። ሰላምን ሓጎስን ልቦም መልአ። ንዓኻ እውን ህይወትካ ክልውጠልካ ይኽእል እዩ። ኣብ መስቀል ቀራንዮ፣ የሱስ ንሓጢኣትካ ዋጋ ከፈለ። ብሰንኪ ሞቱ፣ ኣምላኽ እዚ ይምሕል፦ “ደም የሱስ ወዱ ኻብ ኵሉ ሓጢኣት የንጽሃኒ ... ሓጢኣትና እንተ ተናዘዝና፣ ንሱ እሙንን ጻድቕን እዩ፣ ሓጢኣትና ይቕረ ክብለልናን ካብ ኵሉ ዓመጻ የንጽሃኒን እዩ” (1 ዮሃ. 1:7-9)።

ሕጂ ብጸሎት ናብ የሱስ ክትምለስ ትኽእል ኢኻ።ንሓጢኣትካ ከም ዝተጣዕስካ ንገሮ። ንሓጢኣትካ ስለ ዝሞተ ኣመስግኖ። ከም መድሓኒትካ ተቐበሎ። ሽዑ ልክዕ ከም ደቀ መዛሙርቲ፣ የሱስ ብሓቂ ህያው ምዃኑ ክትረክብ ኢኻ! ዝያዳ ክንነግረካ ንኽእል ኢና።

ብዮናታን ሂዩዝ ካብ መጽሔት ALIVE!፣ #226። ብፍቓድ ዝተወስደ።