ልክዕ ከምቲ ስጋዊ ህይወትና ብሰለስተ ልኬታት – ንውሓት፣ ስፍሓት፣ ቁመት – ዝበጽሕ፣ መንፈሳዊ ህይወትና’ውን ከምኡ እዩ።
ሓደ እኳ ኻብ ኢደይ ኪምንጥሎም ኣይኰነሉን። (ዮሃንስ 10:28)
ኢድ ጐይታና የሱስ ናባና ዝዝርጋሕ ኣሎና። ንምድሓን ክንደይ ዝኣክል ንውሓት ከም ዝመጸ! ንሓደ እኳ ኻብቶም ናቱ ኻብ ኢዱ ኺምንጠል ኣይፈቅድን እዩ።
ሓደ እኳ ኻብ ኢድ ኣቦይ ኪምንጥሎም ኣይኰነሉን። (ዮሃንስ 10:29)
ኢድ ኣቦ ዝሓቚፈና ኣሎና። ክንደይ ዝኣክል ስፍሓት፣ ንብዘላ ዓለም ከም ዝፈተዋ! ብመስቀል ገይሩ፣ ንዝኣምኑ ዘበሉ ኼድሕን ይኽእል እዩ።
ብመንፈስ ቅዱስ ተስፋ ተሐቲምኩም ኢኹም። (ኤፌሶን 1:13)
ማሕተም መንፈስ ቅዱስ ኣሎና። ክንደይ ዝኣክል ቁመት፣ ንሱ ንኽብሪ ተስፋ ምድሓን ኣምላኽ ከም መውሃቢት የገልግል! ኣምላኽ ንናቱ ብኹሉ ወገን ይሕልዎም እዩ።
እምብኣርሲ ብዛዕባ እዚ ነገርዚ እንታይ ክንብል ኢና፧ ኣምላኽ ምሳና ኻብ ኰነ፣ መን ኪጻረረና ይኽእል፧ (ሮሜ 8:31)
ዓለም ውሰዱ፣ ግናኸ የሱስ ሃቡኒ፣ ብመስቀሉ እምነተይ ክትከውን እያ፤
ክሳዕ ብዝነጸረ፣ ብዝበርሀ ራእይ፣ ገጽ ንገጽ ንጐይታይ ዝርኢ።
ኦ፣ ቁመትን ዕምቀትን ምሕረት! ኦ፣ ንውሓትን ስፍሓትን ፍቕሪ!
ኦ፣ ምልኣት ምድሓን፣ መብጽዓ ናይ ዘይውዳእ ህይወት ኣብ ላዕሊ! — ፋኒ ክሮስቢ
