ሕሰበሉ
ብዛዕባ እዞም ኣገደስቲ ሕቶታት ሕሰበሎም
ስለምንታይ እዮም ሰባት ንሞትን ነቲ ዝስዕቦን ክሓስቡ ዝፈርሑ? ከምቶም ገንዘባዊ ሽግር ዘለዎም ሰባት ኵነታቶም ከምዘይቅበሉ ኮይኖም፣ ብዕዳን ጥፍኣትን ዝዛዝሙ ክኾኑ ይኽእሉ ድዮም? ሰሎሞን ብጥበብ ከምዚ በለ፣ «ብልህ ሰብ ክፉእ ረኣዩ ይሕባእ፣ ዓያሱ ግና ሓሊፎም ይቕጽዑ» (ምሳሌ 22:3)። ኣምላኽ ከምዚ ይብል፣ «ኵሉ ሰብ ሓጢኣት ገይሩ እዩ፣ ክብሪ ኣምላኽውን ስኢኑ እዩ» (ሮሜ 3:23)። ኣብዚ ፍርዲ እዚ ኵሉ ሰብ ተኻቲቱ እዩ፤ ፍልልይ የልቦን።
«ክርስቶስ የሱስ ሓጥኣን ከድሕን ናብ ዓለም ከም ዝመጸ፡ እዚ ቓል እዚ እሙን እዩ፡ ብምሉኡ ቕቡል ክኸውን ድማ ይግብኦ» (1 ጢሞቴዎስ 1:15)። ፈጣሪ ዓለማት – የሱስ፣ ወዲ ኣምላኽ – ንኣኻ እንታይ ከም ዝገበረልካ ሕሰበሉ፦ ንሱ ካብ ሓጢኣትን ካብቲ ዘስካሕክሕ ሳዕቤኑን ከድሕነካ ናብዛ ምድሪ እዚኣ መጸ። ሞቱ ካብ ኵሉ ግዜ ዝዓበየ ፍጻሜ እዩ። ነዚ ብስራት እዚ ትኣምኖ ዲኻ?
ኣምላኽ ከምዚ ይብል፣ «ደም የሱስ ክርስቶስ ወዱ ኻብ ኵሉ ሓጢኣት የንጽሓና» (1 ዮሃንስ 1:7)። እዚ ኽቡር ደም እዚ በይኑ ንቕዱስ ኣምላኽ የዕግቦ፣ ንነፍሲ ወከፍ ብክርስቶስ ዝኣምን ድማ ካብ ኵሉ ርኽሰት ሓጢኣት ከንጽሆ ይኽእል። ንስኻ ተነጺሕካ ዲኻ?
እንተዘይኮይንካ፣ ሕጂ ነዚ ሓደ ጥራይ ዝኾነ መገዲ ምድሓን ተቐበል። ኣምላኽ ከምዚ ይብል፣ «ብኻልእ ከኣ ምድሓን የልቦን፣ ምእንቲ ኽንድሕንሲ፡ ኣብ ትሕቲ ሰማይ ካብዚ ስም እዚ ሓሊፉ ንሰብ እተዋህበ ኻልእ ስም የልቦን» (ግብሪ ሃዋርያት 4:12)።
ነዚ ህጹጽ ትእዛዝ እዚ ስምዓዮ
«ኣምላኽ ድማ ንሰብ ኵሉ ኣብ ኵሉ ቦታ ኺንስሕ ሕጂ ይእዝዞ ኣሎ፣ ከመይሲ ንዓለም ብጽድቂ ዚፈርደላ መዓልቲ ወሲኑ እዩ፣ በቲ ዝሾሞ ሰብኣይ ድማ እዩ ዚፈርዳ» (ግብሪ ሃዋርያት 17:30)። «እንተዘይተነስሕኩምሲ፡ ኵላትኩም ከምኡ ኽትጠፍኡ ኢኹም» (ሉቃስ 13:3)።
ነዚ ግሩም ኣዋጅ እዚ እመን
«ዘለኣለማዊ ህይወት ከም ዘሎኩም ምእንቲ ኽትፈልጡ፡ ነቶም ብስም ወዲ ኣምላኽ እትኣምኑ ዘሎኹም፡ እዚ ጽሒፈልኩም ኣሎኹ» (1 ዮሃንስ 5:13)። ንየሱስ ከም ብሕታዊ መድሓንን ጐይታን ዝቕበልዎ ኵሎም እንታይ ግሩም ቃላት ምትእምማን እዩ! ንስኻ ተቐቢልካዮ ዲኻ?
የሱስ ከምዚ በለ፣ «ከይደ ስፍራ እንተ ኣዳልየልኩምሲ፡ ከም ብሓድሽ ክመጽእ እየ፡ ናባይውን ክወስደኩም እየ፡ ኣነ ዘሎኹዎ፡ ንስኻትኩምውን ኣብኡ ምእንቲ ኽትህልዉ» (ዮሃንስ 14:3)። ኣብታ ናይ ዘለኣለማዊ ፍቕሪ ጽብቕቲ ገዛ – ኵሉ ሓጢኣት፣ ሓዘን፣ መከራን ሞትን ንዘለኣለም ሓሊፉ ክኸውን እዩ። እዚ ገዛኻ ክኸውን ድዩ?
ብዛዕባ መወዳእታ ህይወት ብዘይ ክርስቶስ ሕሰበሉ
ኣምላኽ ከምዚ ይብል፣ «እቲ ኣብ መጽሓፍ ህይወት ዘይተጻሕፈ ኸኣ ናብቲ ቐላይ ሓዊ ተደርበየ» (ራእይ 20:15)። እዚ ካብ መወዳእታ መጽሓፍ ቅዱስ ዝመጸ ናይ መወዳእታ መጠንቀቕታ እዩ። ነዚ መጠንቀቕታ እዚ ተቐቢልካ ካብቲ ዝመጽእ ፍርዲ ኣይክትሃድምን ዲኻ?
«እቲ ብወዲ ዚኣምን ዘለኣለማዊ ህይወት ኣለዎ፣ እቲ ንወዲ ዘይእመን ግና ህይወት ኣይርእን፣ ግናኸ ቍጥዓ ኣምላኽ ኣብኡ ይነብር» (ዮሃንስ 3:36)። ንዘይምእማን ምኽንያት የልቦን፤ ካብ ሳዕቤኑ ድማ ምህዳም የልቦን። ነዘን መጠንቀቕታት እዚኤን ትሰምዐን ዲኻ?
ተስፋታትን መጠንቀቕታታትን ኣምላኽ ንኣብዛን ንዘለኣለማዊ ሓጐስካን እዮም ዝዓለሙ። ስለዚ እመንዎም እሞ ብትሕትና ናብ ኣምላኽ ተመለሱ፣ ንሱ ብብዝሒ ይቕጽዕ!
