ሓደ ኣዝዩ ኣገዳሲ ነገር
ፋሲካ ቀሪቡ ኣሎ። ኣብዛ ሃገር እዚኣ እቲ ንፋሲካ ዝወሃቦ ክርስትያናዊ ትርጉም ብሓፈሻ ይንጸግ እዩ። እቲ ሓያሎ ዓመታት ኣቐዲሙ ብገሊኦም እተነግረ ትርጉም፡ ትንሳኤ የሱስ ክርስቶስ ዘዘኻኽር እዩ። እንተዀነ ግን፡ ከምቲ ኣነ ዝርድኦ፡ ፋሲካ ኣብ ሰሜናዊ ኤውሮጳ ን“ኣምላኽ ናይ ምብራቕ” ንምኽባር እተጀመረ በዓል እዩ። እዚ ኸኣ ብሓቂ ምስ ቃል ኣምላኽ ዝጻረር ነገር እዩ ነይሩ!
ከም መጽሓፍ ቅዱስ፡ ትንሳኤ ኣብታ ድሕሪ ፋሲካ ዘላ ናይ ሰሙን ቀዳመይቲ መዓልቲ እዩ ተፈጺሙ። ኣብዚ ዓመት እዚ ፋሲካ መጋቢት 27 እዩ፡ እቲ በዓል ፋሲካ፡ ማለት ኣምላኽ ንህዝቡ እስራኤል ካብ ግብጺ ዘድሓነሉ ዝዝከር በዓል (ዘጸኣት 12)፡ ሚያዝያ 23 እዩ። እዘን ክልተ ዕለታት ኣይሰማምዓን፡ ምኽንያቱ እታ ቐዳመይቲ ኣብ ንጽጽራዊ ቦታ ጸሓይ ምስ ምድሪ እተመስረተት እያ፡ እታ ኻልአይቲ ኸኣ ብመጽሓፍ ቅዱሳዊ ኣቈጻጽራ እተመስረተት እያ።
መጽሓፍ ቅዱስ ንትንሳኤ ክርስቶስ ዓመት ዓመት ከነብዕሎ ኣይእዝዘናን። እቲ ንምእመናን ብዛዕባ ታሪኻዊ ፍጻሜ እተዋህበቶም እንኮ ትእዛዝ፡ ንጐይታ ምዝካር፡ ሞቱ “ክሳዕ ዝመጽእ” ምግላጽ እዩ – እቲ ናይ ጐይታ ድራር (1 ቈረንቶስ 11:23-26 NASB)። እተፈላለዩ ጉጅለታት ክርስትያናት ብእተፈላለየ ግዜ የብዕልዎ። እቲ ኣነ ዝሓብሮሉ ኣኼባ ወይ ጉባኤ፡ “እንጌራ ይቘርስ” ኣብ ነፍሲ ወከፍ ሰንበት (ግብሪ ሃዋርያት 20:7)። ስለዚ፡ ሞት ጐይታ እናኣወጅና ክሳዕ ዝመጽእ፡ ትንሳኤኡ ሰሙናዊ ንብዕል። ኣብ ማእከል ጸገማት ዓለም እዚ ክንደይ ዓብዪ ምትብባዕ ኰን እዩ – “ክርስቶስ በዅሪ ፍረ፡ ድሕሪኡ ኸኣ እቶም ናይ ክርስቶስ ብምጽኣቱ”፡ “ከምኡ ኸኣ ኩሉ ሳዕ ምስ ጐይታ ክንከውን ኢና” (1 ቈረንቶስ 15:23፤ 1 ተሰሎንቄ 4:17)። ንስኻ ናይ ክርስቶስ ዲኻ – ናቱ ዲኻ?
ትንሳኤ ኣብ ክንዲ እነተኵር፡ እቲ ናትና ፍሉይ ጽሑፍ ብዛዕባ መዓት ኣምላኽ እዩ – ምናልባት ንሓደ “ፋሲካ” ኣብ ኣቈጻጽራና እንርእየሉ ወርሒ ዘይተለምደ ርእሲ። ግናኸ፡ ትንሳኤ ክርስቶስ ክኸውን ዝኸኣለ “ህይወቱ ምእንታና ስለ ዝሃበ” ጥራይ እዩ (1 ዮሃንስ 3:16፡ ዮሃንስ 10:17-18 ርአ)። ኣብቲ ዘሰቅቕ መስቀል ከሎ፡ “ንሱ ባዕሉ ንሓጢኣትና ኣብ ስጋኡ ጾሮ” (1 ጴጥሮስ 2:24)። ክርስቶስ ንኹሎም እቶም ህያብ ዘለኣለማዊ ምድሓን ዝቕበሉ፡ ትሕቲ መዓት ኣምላኽ ተሰቀለ። ንኣኻ እንታይ ከም ዝሓለፈ፡ ከምኡውን ንኹሎም እቶም ኣብ ጐይታ ዘይተኣመኑ እንታይ ከም ዝጽበዮም ሕሰብ። እዚ ኣዝዩ ኣገዳሲ እዩ – ኣብዚ ሕታም እዚ ብዙሕ ሳዕ እተጠቕመሉ ቃል “ከቢድ”፡ “ሓዘንተኛ” ወይ “ቁምነገር” ማለት እዩ – ቅኑዕ መግለጺ!
