የሱስ መን እዩ?
ኣብ ማቴዎስ 16:13-17 (NKJV) ኣብ መንጎ የሱስን ደቀ መዛሙርቱን ዝተገብረ ኣገዳሲ ዝርርብ ንረክብ፣ ንሱ ድማ፣ «ሰብ ንወዲ ሰብ መን እዩ ይብሉኒ?» ኢሉ ሓተቶም። ደቀ መዛሙርቲ ድማ ካብ ዮሃንስ መጥምቕ ክሳዕ ዝተፈላለዩ ነብያት ዝተፈላለዩ መልስታት ሃቡ።
የሱስ ድሕሪኡ፣ «ንስኻትኩም ግና መን እዩ ትብሉኒ?» ኢሉ ሓተተ። ጴጥሮስ ቀዳማይ ኮይኑ ተዛረበ፣ «ንስኻ ክርስቶስ፣ ወዲ ህያው ኣምላኽ ኢኻ።» የሱስ እዚ ቅኑዕ መልሲ ምዃኑ ተዛረበ እሞ ጴጥሮስ ንምፍላጡ «ብጹእ» ኢሉ ጸውዖ። ኣቡኡ እውን ንጴጥሮስ ከም ዝገለጸሉ ተዛረበ። ንዓብዪነት እዚ ምስክርነት እዚ ኣስተውዕል፦ የሱስ ክርስቶስ እዩ፣ ወዲ ህያው ኣምላኽ ድማ እዩ። ንየሱስ ከም ክርስቶስ ጌርና ኽንሓስብ ከለና፣ «ቅድሚ ምፍጣር ዓለም» ኣብ ክርስቶስ ከም ዝተመረጽና ምዝካር ኣገዳሲ እዩ (ኤፌሶን 1:4)። እዚ ኸኣ ቅድሚ ኣዳምን ሄዋንን ምፍጣሮም እዩ!
ኣብ ማቴዎስ 22:41-45
የሱስ ንፈሪሳውያን፣ «ብዛዕባ ክርስቶስ እንታይ ትሓስቡ? ወዲ መን እዩ?» ኢሉ ሓተተ። ኣይሁድ ንክርስቶስ ይደልዩ እኳ እንተ ነበሩ፣ ፈሪሳውያን ግና ንየሱስ ከም ክርስቶስ ኪኣምኑ ፍቓደኛታት ኣይነበሩን። ንሕቶኡ፣ «ወዲ መን እዩ?» ኢሉ ምስ ሓተተ፣ «ወዲ ዳዊት እዩ» በሉ። የሱስ ድማ፣ «ዳዊትከ ብመንፈስ ‘ጐይታይ’ ኢሉ ኸመይ ገይሩ ይጽውዖ፦ ‘እግዚኣብሔር ንጐይታይ፣ «ጸላእትኻ መርገጽ እግርኻ ኽሳዕ ዝገብሮም፣ ኣብ የማነይ ተቐመጥ»’ ኢሉ?» የሱስ፣ ብዛዕባ ርእሱ ኺዛረብ ከሎ፣ «ዳዊት ድማ ‘ጐይታይ’ ኢሉ ኺጽውዖ ኸሎ፣ ኸመይ ገይሩ ወዱ ይኸውን?» በለ። ቃል ዳዊት ካብ መዝሙር 110:1 ዝተወስደ እዩ። እቲ ሓደ ጽሑፍ እውን ኣብ ግብሪ ሃዋርያት 2:34-35 ከምኡ’ውን ኣብ እብራውያን 1:13 ይርከብ፣ ንዓብዪነት ክርስቶስ ድማ የቕርብ። የሱስ ንሕቶኡ መልሲ ሃበ፣ «ኣነ መሰረትን ዘርእን ዳዊት እየ» (ራእይ 22:16)፤ ከም ስጋ ዝለበሰ ኣምላኽ ጥራይ እዩ ኽልቲኡ ኪኸውን ዝኽእል።
ብዛዕባ የሱስ ክርስቶስ እንታይ ትፈልጥን ትኣምንን? «ደቀ መዝሙር» ማለት «ተማሃራይን ተኸታላይን» ማለት እዩ። ንስኻ ብሓቂ ንየሱስ ክርስቶስ ከምኡ ድኻ? ንሱ መን እዩ፣ ስለምንታይከ ናብዚ መጸ? ምናልባት ንሕቶታቱ ንርእስና እንደገና ኽንሓስበሉ ይግባእ!
