ትሕትና ናብ ኣምላኽ ማለት እንታይ ማለት እዩ? ማለት ካብ ኢዱ ዚመጹ ፈተናታት፡ ሽግራት፡ ጸገማትን ተስፋ ምቑራጽን ብዘይ ምብዳህ፡ ዕልወት ወይ መሪርነት ምቕባል ማለት እዩ። ብሓጺሩ፡ ንፍቓድን መገድን ኣምላኽ ብዘይ ምድናግጽን ብምምብርካኽን «እወ» ምባል ማለት እዩ።
እዚ ኻብ ህይወት ዳዊት ዝተወስደ ኣብነት እዩ፡ ካብ ወዱ ኣቤሴሎም እናሃደመ ከሎ፡ ንሺሜኢ ረኸቦ። እዚ ሰብ እዚ ንዳዊት ኣእማን ክድርብየሉን ክረግሞን ደፊሩ። ኣቢሻይ ንጉስ ወዲ ሺሜኢ ክቐትሎን ሕነ ኺፈድዮን ሓሳብ ኣቕረበ።
ኣብዚ ኩነታት እዚ ናይቲ ብልቡ ንኣምላኽ ዝቐረበ ሰብ ምላሽ ምርኣይ ክንደይ ዘደንቕ እዩ። ንሰቡ ገሰጾም እሞ ድሕሪኡ ኸኣ በለ፡
«ኣቱም ደቂ ጸሩያ፡ ኣነ ምሳኻትኩም እንታይ ኣሎኒ? እግዚኣብሔር፡ ንዳዊት ረግሞ፡ ኢሉዎ እንተ ዀይኑ ኺረግም እንተ ጀሚሩስ፡ ስለምንታይ ከምኡ ገበርካ፡ ዚብሎ መን እዩ? … እግዚኣብሔር ንመከራይ ኪርኢ ይኽእል እዩ፡ እግዚኣብሔር ከኣ በዚ ሎሚ ዚረግመኒ ዘሎ ምትራሙ ጽቡቕ ኪፈድየኒ ይኽእል እዩ» (2 ሳሙኤል 16:10, 12)።
ንበደል ሕነ ምፍዳይ ኣብ ክንዲ ዝገብር፡ ነቲ ኩነታት ብምምብርካኽ ካብ ኢድ ኣምላኽ ተቐበሎ! እዚ እዩ ሓቀኛ ትሕትና።
