ኣብቲ ሓጺር እዋን ናይ ምዕራፍ የሩሳሌም ብኸለዳውያን (ባቢሎናውያን)፡ ኤርምያስ ንኸለዳውያን ኪምርኮም ከም ዝደለየ ብሓሶት ተኸሲሱ ናብ ቤት ማእሰርቲ ተኣሲሩ ነበረ። ድሕሪ ሓጺር እዋን፡ ምዕራፍ እታ ከተማ ቀጸለ። ቅድሚ ምትሓዝ የሩሳሌም ብሓጺር እዋን፡ ጼድቅያስ ንቓል ጐይታ ንምስማዕ ምስ ኤርምያስ ተራኸበ። ንሱ ሓያል፡ ንጹር፡ ውልቃዊ መልእኽቲ ተቐበለ፡ እንተ ተመርኪሱ፡ ኵሉ ነገር ንእኡ ጽቡቕ ኪኸውን እዩ። ወዮ ጼድቅያስ ግና፡ ብኣይሁድ፡ እቶም ንኸለዳውያን ተመርኪሶም ዝነበሩ፡ ብግፍዒ ኸይተሓዝ ፈሪሑ ነበረ። እኳ ደኣ ብቓላት ኤርምያስ ተጨኒቑን ኪምርኮም ደልዩን እንተ ነበረ፡ ብዘይካ እቲ ኤርምያስ ካብ ጐይታ ዝሃቦ ዜተኣማምን ቓላት (ኤር. 38:20)፡ ነቲ ቅኑዕ ነገር ንምግባር ሓይሊ ኣይነበሮን። ግናኸ ከምቲ ኤርምያስ ዝተነበዮ፡ ብዛዕባ ጼድቅያስ፡ “እቶም ብቐረባ ዝነበሩኻ ኣዕሩኽትኻ ኣጥቂዕኻኻን ሰዓርኻኻን” (ፍ. 22) ተባህለ። እወ፡ እቶም ኣብ ከባቢኡ ዝነበሩ፡ ኣዕሩኹን መማኸርቱን፡ እዞም እዮም ንጼድቅያስ ብሓቂ ዝገዝእዎ ዝነበሩ፡ ምኽንያቱ ንሰብ ስለ ዝፈርህ። እንታይ ዝዓቢ ክሳራ ድማ ነበሮ! ንርእሱ ነቲ ቅኑዕ ነገር ንምግባር ኪውስን ዘይከኣለ፡ እቲ ዝፈርሖ ዝነበረ ነገር—ብግፍዒ ምትሓዝ—ኣብኡ ዀነ፡ ንጉስ ባቢሎን “ኣዒንቲ ጼድቅያስ ኣውጺኡ፤ … ብመሓውር ኣስራቱ፡ ናብ ባቢሎን ወሲድዎ፡ ክሳዕ መዓልቲ ሞቱ ድማ ኣብ ቤት ማእሰርቲ ኣእትይዎ” (52:11)።
ሎሚስ ክንደይ ዝኾኑ ሰባት እዮም፡ ብሰንኪ ፍርሃት ሰብ፡ ናብ ክርስቶስ ንምድሓን ዘይመጹ፡ ኣብ መወዳእታ ድማ ህይወቶም ዜጥፍኡ። ካብኣቶም ኣይትኹን! ንምድሓን ናብ ጐይታ ምጻእ! “ፍርሃት ሰብ መፈንጠራ የምጽእ፡ ግናኸ ኣብ ጐይታ ዚእመን ኵሉ ድማ ድሑን ኪኸውን እዩ” (ምሳ. 29:25)። ቃል ኣምላኽ ኵሉ ሳዕ ሓቂ እዩ፡ ኣምላኽ ድማ ንቓሉ እሙን እዩ። ከም ምእመናን ድማ፡ ንሕና እውን ኣብ መፈንጠራ ፍርሃት ሰብ ኣይንውደቕ፡ የግዳስ ንቓል ኣምላኽ እሙናት ንኹን፡ ብእኡ ድማ ንመላለስ። እዚ ድሕነትና እዩ።
