መን? ስለምንታይ? ከምኡ’ውን ኣበይ?
ቅድሚ ገለ ዓመታት ሓደ ክርስትያን ሰብኣይ 100 ዓመት ምስ መልአ፡ በዚ ዕድመ እዚ ሓደ ሰብ ነዞም ላዕለዋይ ሰለስተ ኣገደስቲ ሕቶታት መልሲ ክህብ ክኽእል ኣለዎ ኢሉ ነበረ። ንሱ ማለት፡ ጥበብ እርግና ነዞም ሕቶታት እዚኦም ቅድሚኡ መልሲ ክንረክብ ይገብረና ማለት ይመስለኒ። ሰሎሞን ድማ ብዝያዳ ኸይዱ ንኹሉ ሰብ «ሕጂ ግና፡ እቲ ኽፉእ መዓልትታት ከይመጸ፡ እቲ፡ ኣባታቶም ባህ ኣይብለንን፡ እትብለሉ ዓመታት ከይቐረበ፡ ንፈጣሪኻ ብመዓልትታት ንእስነትካ ዘክሮ» (መክብብ 12:1 NKJV) ኢሉ መኺሩ።
እነሆ ንዞም ኣገደስቲ ሰለስተ ሕቶታት መጽሓፍ ቅዱስ ዝህቦም መልስታት:
ኣነ መን እየ?
ኣብ መዝሙር 90:3፡ ሙሴ ነፍሲ ወከፍና ሰብ፡ ወዲ ኣዳም ምዃንና ይነግረና። ኣዳምን ሄዋንን፡ ቀዳሞት ወለድና፡ ብፍሉይ ብእግዚኣብሔር ተፈጢሮም (ዘፍጥረት 1:26-27፤ 2:21-23)። ግናኸ ኣዳም ንእግዚኣብሔር ዓለወ፡ «ስለዚ ኸኣ፡ ከምቲ ብሓደ ሰብኣይ ሓጢኣት ናብ ዓለም ዝኣተወ፡ ብሓጢኣት ድማ ሞት፡ ከምኡ ኸኣ ሞት ናብ ኵሉ ሰብ በጽሔ፡ ኵሎም [ሰባት] ስለ ዝበደሉ» (ሮሜ 5:12)። ካብዚ ብመንፈስ ዝጠፍአ ኩነታት ንምውጻእ ቀዳማይ ስጉምቲ፡ ብውልቂ «ኣነ መን እየ? – ኣነ ምድሓን ኣምላኽ ዘድልየኒ ሓጥእ እየ» ብምባል ምእማንን ንስሓ ምግባርን እዩ።
ስለምንታይ ኣብዚ ኣለኹ?
ነዚ ሕቶ እዚ እንሓትቶ፡ ሓጥኣን ስለ ዝኾንና፡ ምስ እግዚኣብሔር ስለ ዘይንራኸብ፡ ስለዚ ድማ ንሓቀኛ ትርጉም ህይወት ስለ ዘይንፈልጥ ኢና። ሰሎሞን ነዚ ዛዕባ እዚ ብትግሃት ምስ መርመረ፡ «ድምር እቲ ዅሉ ነገር ንስማዕ፡ ንእግዚኣብሔር ፍራህ፡ ንትእዛዛቱውን ሐሉ፡ እዚ እዩ ዅሉ ግዴታ ሰብ። እግዚኣብሔር ንዅሉ ግብሪ፡ ንዅሉ ሕቡእ ነገር፡ ሰናይ ይኹን ክፉእ፡ ናብ ፍርዲ ኼምጽኦ እዩ እሞ» (መክብብ 12:13-14) ኢሉ ጸሓፈ።
ንጐይታ የሱስ ክርስቶስ ከም መድሓኒን ጐይታን ክንቅበሎ ከለና፡ ብዛዕባ ሓቀኛ ህይወት ንፈልጥ። ንሱ ድማ፡ «ኣነ ህይወት ምእንቲ ኺህልዎም፡ ብብዝሒ ኸኣ ምእንቲ ኺህልዎም እየ ዝመጻእኩ» (ዮሃንስ 10:10) በለ። ሓደ ክርስትያን ምስ ድሓነ፡ ስለምንታይ ከም ዝነብር ይፈልጥ፡ «ንሕና [ኣመንቲ] ግብሪ ኢዱ [ናይ ኣምላኽ] ኢና እሞ፡ ኣብ ክርስቶስ የሱስ ንሰናይ ግብሪ እተፈጥርና ኢና፡ እዚ ድማ ኣምላኽ ቅድሚ ሕጂ ኸነብሎ ምእንቲ ኣዳልይዎ እዩ» (ኤፌሶን 2:20)። ብኻልእ ኣዘራርባ፡ ኣመንቲ ከምቲ ጐይታ ባዕሉ ዝነበረ ክነብሩ እዮም፡ «ንሱ ድማ እናዞረ ጽቡቕ ይገብር ነበረ... እግዚኣብሔር ምስኡ ነበረ እሞ» (ግብሪ ሃዋርያት 10:38)።
ኣበይ እየ ዝኸይድ ዘለኹ?
ምናልባት ምስቲ መጽሓፍ ቅዱስ ንቐዳማይ ሕቶ ዝህቦ መልሲ ኣይትሰማማዕን ትኸውን፡ ምኽንያቱ ሓጢኣት ባዕሉ ኣብ ክፍለ ዘመን 21 ኣብ ዓለም ዘሎ ክልኩል [ዝተኸልከለ ዛዕባ] እዩ። ምስቲ ምስኡ ዝመጽእ ኣብ ኣምላኽ ዘሎ ተስፋ ምጥፋእ ድማ፡ ሞት ባዕሉ ንብዙሓት ንምዝርራብ ዘፍርህ ዛዕባ ኮይኑ። ይኹን እምበር፡ ሓቂ እዩ ኵሉ ሰብ ክመውት እዩ። ዳዊት ክመውት ከሎ ንወዱ ሰሎሞን፡ «ኣነ ኸምቲ ዅሉ ምድሪ ዝኸዶ ኸይድ ኣለኹ» (1 ነገስት 2:2) በሎ። ገለ ኻብ መልእኽቲ ወንጌል ንሞት ምድላው እዩ፡ «ከምቲ ንሰብ ሓንሳእ ምሟት፡ ድሕሪኡ ድማ ፍርዲ እተሰርዖ፡ ከምኡ ኸኣ ክርስቶስ ንሓጢኣት ብዙሓት ኪጸውር ሓንሳእ ተወፈየ» (እብራውያን 9:27-28)። እወ፡ ንመቕጻዕቲ ገሃነም ክትወግድ ትኽእል ኢኻ ንጐይታ የሱስ ክርስቶስ ንምድሓንካ ኻብ ሓጢኣትካ እንተ ኣሚንካ። ግናኸ፡ ካብኡ ዝሓይሽ፡ መዓልትኻ ሰማይ ከም ዝኸውን ክትተኣማመን ትኽእል ኢኻ! ኣበይ ኢኻ ትኸይድ ዘለኻ? ብዝያዳ ክንነግረካ ንኽእል ኢና።
