ምናልባት ንዳዊት ከም ዝጸልኣቶ ሚካል፡ ንስኻ’ውን ዝጸልኣካ ሰብ ክትረክብ ኢኻ። እዚ ኣይትግደሰሉ፡ ካብቲ ዝጸልኣት ሚካል፡ ዝእዘዝ ዳዊት ምዃን ይሕሸኒ። ኣምላኽ፡ ጐይታ የሱስ ክርስቶስ ኣብ ዘየለሉ እዋን፡ ንሓቂኡ ምእማን ዕድል ሂቡና ኣሎ።
መንፈስ ቅዱስ ኣብ ምድሪ ኣብ ማሕበር ከም ዘሎ ፍልጠት ኣሎና፡ ገሊኣትና ኸኣ ብጸጋ ኣምላኽ ብዛዕባ ማሕበሩን ናብ ስም ጐይታ የሱስ ክርስቶስ ምእካብ እንታይ ማለት ምዃኑን ሓቂ ተማሂርና ኢና። እምበኣር፡ እቲ ሓቂ እንተ ኣሎና፡ ንእኡ እሙናት ንኹን፡ ብናጽነት ሓቂ ኸኣ ንመላለስ። ገሊኣቶም ነቲ ሰማያዊ መስመር ጳውሎስ ዘይተቐበሉ ነበሩ፡ ካብኡ ኸኣ ፈለቑ። ኣምላኽ ንዝተረኽበ ሓቅን ብርሃንን ክንርእን ክንሰርሓሉን እንተ ሂቡና፡ ዓቢ መሰል፡ ዓቢ ሞገስ ካብ ኣምላኽ እዩ ዝመስለኒ። ብጸጋ ኣምላኽ ከም ዘሎና እኣምን። እዚ ኸኣ ከዕብየና ድዩ? ኣምላኽ ይከልኣና! ንሕና ሓጢኣተኛታት ከም ዝዀንና ዝጸውዓና ጸጋ እዩ፡ ኣምላኽ ከኣ ብርሃንን ሓቅን ናይ ማሕበር፡ ከምኡ’ውን ኣገልግሎት ብሓቂ እንታይ ምዃኑ፡ ናብ ስም ጐይታ ምእካብ እንታይ ምዃኑ እንተ ሂቡና፡ ዓቢ ሞገስ እዩ።
ኣምላኽ ነቲ ጐይታ ዝመሃረና እሙናት ክንከውን ጸጋ ይሃበና። ከመይሲ፡ “ንዘለዎስ ኪውሰኾ እዩ፡ ንዘይብሉ ግና፡ ዘለዎ ዚመስሎ እኳ ኺውሰደሉ እዩ” (ሉቃስ 8:18)። ሰባት ነቲ ኣምላኽ ዝሃቦም ሓቂ እንተ ዘይተኸባበሩ፡ ራእዮም ይደብዝዝ፡ ብግዜኡ ኸኣ ነቲ ሓደ እዋን ዘኽብርዎ ዝነበሩ ሓቂ ኣዝዮም ዝተወሰኑ ተቓወምቲ ይዀኑ። እዚ ኸኣ ዘሰቅቕ ነገር እዩ። ጐይታ ንስሙ ኢሉ እሙናት ክንከውን ይሓግዘና!
