ኣይትሕለል ክርስትያን! እቲ መገዲ
ናብቲ ብሩኽ ማሕደርካ ዝመርሕ
ጸልማትን ሓደገኛን እውን እንተኾነ—
ክርስቶስ፡ መራሒኻ፡ ኬሕልፈካ እዩ።
ኣይትሕለል ክርስትያን! ብቝጥዓ እኳ እንተኾነ፡
ሰይጣን ንነፍስኻ ኬሳጥሓ ይደሊ፤
እቲ ብእምነት ዝተቐብአ ጋሻ ግጠም፡
ናብ መዋግእቲ ኣምጽኦ።
ኣይትሕለል ክርስትያን! እዛ ዓለም እኳ እንተኾነት፡
ጸላኢ ባንዴራኣ ኣውጺኣ፤
መስቀል የሱስ ጽኑዕ ጌርካ ሓዝ፡
ኣብ መወዳእታ ኽትስዕር ኢኻ።
ኣይትሕለል ክርስትያን! ኣብ ውሽጥኻ እኳ እንተኾነ፡
ሓጢኣት ዝቐርብ ልቢ ኣሎ፤
ጐይታ ክርስቶስ ኣብ ልዕሊ ዅሉ እዩ፡
ኣይሓድገካን እዩ ኽትወድቕ።
ኣይትሕለል ክርስትያን! ኣምላኽካ እኳ እንተኾነ፡
ብመቕጽዑ ይወቅዓካ፤
ብፍቕሪ ኣቦ ኪወቅዕ ኣለዎ፡
ፍቕሩ ምእንቲ ኺገልጽ።
ኣይትሕለል ክርስትያን! የሱስ ቀሪቡ እዩ፤
ቀልጢፉ ብኽብሪ ኺግለጽ እዩ፡
ሽዑ ዕዮኻን ባእስኻን ኪውዳእ እዩ፡
“ኣኽሊል ህይወት” ክትለብስ ኢኻ።
— ጂ.ቪ. ዊግራም
