ይቕረ ምባል እንታይ ማለት እዩ
ንኣብነት፡ ጓል ጎረቤትካ ብመኪናኻ ብዘይፍላጥ ደብዲብካያ። ንስድራቤት ክንደይ ከም ዝሓዘንካዮም ምነገርካዮም፡ እታ ጓል ንኽትሓዊ ንምሕጋዝ ድማ ዝኾነ ይኹን ነገር ንምግባር ምሓሰብካ። ወለዲ ይቕረ ንምባል እንተ ኣበዩኻ ድማ ኣዝዩ ሕማቕ ምተሰምዓካ። እንተኾነ ግን፡ ወለድን እታ ጓልን ብኽፉት ኢድ ይቕረ እንተ በሉኻ ሕጉስ ምተሰምዓካዶ፧
እቲ ዘድሊ
ሰብ ክንደይ ዝኣክል ጽቡቕ እንተኾነ እውን፡ ሓደ እኳ ጌጋ ካብ ምግባር፡ ምዝራብ፡ ወይ ምሕሳብ ምሉእ ብምሉእ ናጻ ከም ዘይኮነ ክንኣምን ኣሎና። ኣምላኽ ድማ ይሰማማዕ፡ «ጽቡቕ ዝገብር የልቦን፡ ሓደ እኳ የልቦን። ኵሉ ሓጢኣት ገይሩ ኻብ ክብሪ ኣምላኽ ከኣ ነጸለ» (ሮሜ 3:12, 23)። እንተኾነ ግን፡ ኣምላኽ ንኹሎም ሓጢኣት ከም ዝገበሩ እናተናዘዙ ናብኡ ዝመጹ ብኽፉት ኢድ ምሉእ ይቕረ ንምባልን ንምቕባልን ድሉው ኮይኑ ይጽበ ኣሎ።
እቲ መሰረት
ኣብ መጽሓፍ ቅዱስ፡ ኣምላኽ ይቕረ ክብለና ከም ዝኽእል ይነግረና፡ ከመይሲ ወዱ ከም ምትካእና ኮይኑ ስለ ዝተሰቐለን ስለ ዝሞተን እዩ፡ «ብእኡ (ብየሱስ) ብደምኡ ምድሓን፡ ምሕረት ሓጢኣት፡ ከም ብብዝሒ ጸጋኡ ኣሎና» (ኤፌሶን 1:7)። ሓጥኣን ብምልማን ወይ ብምስራሕ ይቕረታ ኣይረኽቡን። ይቕረ ዝብሃለሎም የሱስ ምእንትኦም ስለ ዝሞተ እዩ፡ «ኣምላኽ ግና ገና ሓጥኣን ከሎና፡ ክርስቶስ ምእንታና ብምማቱ፡ ንኣና ዘለዎ ፍቕሪ ኣርኣየ» (ሮሜ 5:8)።
እቲ ኣገባብ
እንተኾነ ግን፡ ሓጥኣን ብኣውቶማቲክ ኣይድሕኑን። ብዛዕባ ሓጢኣተኛ ኩነታትና ገለ እኳ እንተ ዘይገበርና፡ ንዘለኣለም ክንጠፍእ ኢና። ይቕረታ ብየሱስ ብምእማን ክትቅበል ኣለካ፡ ደሙ ምእንታና ስለ ዝፈሰሰ፡ «ንዝተቐበልዎ ኹሎም ግና፡ በስሙ ንዝኣምኑ፡ ውሉድ ኣምላኽ ኪኾኑ መሰል ሃቦም» (ዮሃንስ 1:12)። ከመይ ጌርና ንፈልጥ፧ ከመይሲ መጽሓፍ ቅዱስ ከምኡ ይብል፡ ንቓል ኣምላኽ ምጥርጣር ድማ ሓሳዊ ምባል እዩ (1 ዮሃንስ 1:10)። ናይዚ ገበነኛ ክትከውን ኣይትደልን ኢኻ!
ንኣብነት፡ ብዙሕ ገንዘብ ዕዳ ኣለካ እሞ ክትከፍሎ ኣይትኽእልን። ብዛዕባ ጸገምካ ሰሚዑ፡ ሓደ ዓርክኻ ዕዳኻ ይኸፍለልካ እሞ «ምሉእ ብምሉእ ተኸፊሉ» ዝብል ደረሰኝ ይህበካ። ኣይትቕበሎንዶ፧ እቲ ሕሳብ ከም ዝተኸፍለ ከመይ ጌርካ ትፈልጥ፧ ብደረሰኝ። ክንደይ ዝኣክል ምትእምማን!
መጽሓፍ ቅዱስ ይቕረ ከም ዝተባህለልና ይብል፡ «ደም የሱስ ክርስቶስ ወዱ (ናይ ኣምላኽ) ካብ ኵሉ ሓጢኣት የንጽሓና» (1 ዮሃንስ 1:7)። «ንቓለይ ዝሰምዕን በቲ ዝለኣኸኒ ዝኣምንን ናይ ዘለኣለም ህይወት ኣላቶ፡ ናብ ፍርዲ ድማ ኣይመጽእን፡ ካብ ሞት ናብ ህይወት ግና ተሰጋጊሩ እዩ» (ዮሃንስ 5:24)። ካብዚ ዝዓቢ ብድሆ እንታይ የድልየና፧
እቲ መገዲ
የሱስ ብዛዕባ ክልተ ሰባት ሓንቲ ዛንታ ነገረ። እቲ ሓደ ርእሱ ጻድቕ ዝገብር ዝነበረ ብዛዕባ ኹሉ ጽቡቕ ተግባራቱ ይመካሕ ነበረ። ይቕረታ ከም ዘየድልዮ ኣይሓሰበን። እቲ ሓደ ድማ ካብ ሕብረተሰብ ዝተነጸለ ሓጢኣተኛ ምዃኑ ዝፈልጥ ነበረ። «ኣምላኽ፡ ንኣይ ንሓጢኣተኛ ምሓረኒ» ኢሉ ጸለየ። የሱስ ድማ፡ «እዚ ሰብኣይ እዚ ኻብቲ ሓደስ ይጸድቕ ናብ ቤቱ ወረደ» በለ (ሉቃስ 18:13–14)።
እቲ ዝኸፍአ ሓጢኣት፡ ይቕረታ ዘድልየካ ሓጢኣተኛ ምዃንካ ምእማን ምእባይ እዩ። ናብቲ ወጥሪ ኣይትእቶ። መጽሓፍ ቅዱስ ይብል፡ «ሓጢኣትና እንተ ተናዘዝና፡ ንሓጢኣትና ኪቕረልናን ካብ ኵሉ ዓመጻ ኼንጽሓናን እሙንን ጻድቕን እዩ» (1 ዮሃንስ 1:9)። ሓጢኣትካ ተናዘዝ እሞ ኣምላኽ ይቕረ ክብለካ እዩ!
—ሳም ሃድሊ
