ሰረቕቲ ግዜኻ ምልላይን ምብዳህን

ከመይ ከም ዚዓይዩ

እቶም ንዛረበሎም ዘሎና ሰረቕቲ ብሓቂ ተንኮለኛታት እዮም። ሓንሳእ ሓንሳእ ብንእሽቶ ምብራቕ ይጅምሩ። ዘገርም እዩ፡ እቶም ግዳያት ንክሳራኦም ኪቖጽሩ ወይ ንሰረቕቲ ኺፈልጥዎ ኣይደፍሩን። ስለምንታይ? ምኽንያቱ እቲ ክሳራ ንኣዋርሕ ወይ ንዓመታት እውን ኣይፍለጥን እዩ።

እመን ወይ ኣይትእመን፡ እዞም ሰረቕቲ እዚኦም ኣብ ክንዲ እቲ ዝተወስደ ካልእ ነገራት ይገድፉ—እቶም ተካእቲ ድማ ካብቲ ዝተሰርቐ ንብረት ዝያዳ ዜደንቑ ኪመስሉ ይርአዩ! ዘገርም እዩ፡ እቶም ግዳያት ብዙሕ ግዜ ብምስራቖም ከም ዝተረፍረፉ ይርአዩ! እቶም ዝተሰርቑ ነገራት ንሓዝቶም ዘየተሓባብኡ ነበሩ፡ ንሕልናኦም ይወግእዎ፡ ንስንፍናኦም ይገስጽዎ፡ ንርእሰ ወዳድነቶም የቃልዕዎ፡ ንሓላፍነት ዘለዎ ተግባር ድማ የደፋፍእዎ።

እዞም ሰረቕቲ እዚኦም ብኣንጻሩ እዮም። ፈተውቲ እዮም፡ ንግዳያቶም ኪዕረፉ ይዕድሙ። መዘናግዕቲ እዮም፡ ንግዳያቶም ዕላማ ህይወት መዘናግዒ ጥራይ ምዃኑ የዕግቡ። ብዙሕነት የቕርቡ፡ ንግዳያቶም ብዙሕ ዓይነት ተካእቲ ንዝሰርቕዎም የቕርቡ። ብልሓተኛታት እዮም፡ ንተካእቶም ናይ ቅኑዕነት ስም የቕርቡ። ዘመናውያን እዮም፡ ንዝሰርቕዎም ከም ዘይጠቕሙን ኣረጊቶምን ይገልጽዎም። ንፍሉጥነት የጕልሑ፡ ኵሉ ሰብ ከም ዚገብሮ ይብሉ።

መን ምዃኖም

ገለ ኻብዞም ሰረቕቲ እዚኦም ተለልዮም ኣለዉ፡

• ቴሊ ቪዥን፡ ብዘይ ምቁራጽ ትግሳጽ እኳ እንተ ነበሮ፡ ብዙሕ ትኩረት ዚስሕብ ቀጺሉ ኣሎ።
• ፋን ኤን ጌምስ፡ ንህይወት ከም ስፖርትን ካልኦት ንጥፈታትን ምዕዛብ ወይ ምጽዋት ጥራይ ዚርኢ።
• ኦ. ቨር ዎርክ፡ ንንእሽቶ ተወሳኺ ገንዘብ ንምርካብን ደረጃ ህይወት ንምዕባይን ኵሉ ዕድል ዚጥቀም።

ብዙሓት ካልኦት ሰረቕቲ ኺዝርዘሩ ይኽእሉ፡ ግናኸ ኣብ ህይወትካ ዘለዉ ኽትረኽቦም ብዙሕ ጸገም ኣይኪህልወካን እዩ።

እንታይ ከም እንስእን

እርግጽ እዩ፡ ኵሉ ሳዕ ሰረቕቲ ኣይኮኑን። ሓንሳእ ሓንሳእ ዕድላት ንዕረፍትን ምዕባለን ኪኾኑ ይኽእሉ እዮም። ግናኸ ኣምላኽ ኣብ ክርስትያናዊ ህይወትና ኺህልወና ዚደልዮ ነገራት ምስ ሰረቑ፡ ሰረቕቲ ይኾኑ። ንኣብነት፡

• መዓልታዊ ንባብ መጽሓፍ ቅዱስ ምግፋፍ፡ ንመምርሒ ኣምላኽ ዕድል ንስእን፡ “ቓልካ ኣብ ልበይ ሓቢአዮ ኣሎኹ፡ ምእንቲ ኸይብድለካ … ቓልካ መብራህቲ ንእግረይን ብርሃን ንመገደይን እዩ።” (መዝሙር 119:11, 105)
• ጽዑቕ መደብ ግዜ ምስ ኣምላኽ ንዘሎ ግዜ ምድፋእ፡ ምስ ኣምላኽ ንዘሎ ቅርበት ዕድል ንስእን፡ “ናብ ኣምላኽ ቅረቡ፡ ንሱ ድማ ናባኻትኩም ኪቐርብ እዩ።” (ያእቆብ 4:8)
• ርእሰ ወዳድ ምዃንን ንኻልኦት ምግፋፍን፡ ንትእዛዝ ኣምላኽ ንምእዛዝ ዘሎና ሓጐስ ዚፈጥር ዕድል ንስእን፡ “ብፍቕሪ ንሓድሕድኩም ተገዛዘሩ።” (ገላትያ 5:13)

እንታይ ክትገብር

ግዜ እዩ ኽንበራበር፡ ኣብ ህይወትና ዘለዉ ሰረቕቲ ኽንፈልጥ፡ ነቲ ዝተሰርቐና ዘለኣለማዊ ዋጋ ዘለዎ ንብረትና ድማ ክንምልስ፡

“ኣቱም ደቂስኩም ዘሎኹም፡ ተንስኡ … ክርስቶስ ድማ ብርሃን ኪህበኩም እዩ … ብጥንቃቐ ተመላለሱ፡ ከም ዓያሱ ዘይኮነስ ከም ጥበበኛታት፡ ግዜ ተጠቐሙ፡ ምኽንያቱ እቲ መዓልታት እከይ እዩ። ስለዚ ድማ ዓያሱ ኣይትኹኑ፡ የግዳስ ፍቓድ ጐይታ እንታይ ምዃኑ ተረድኡ።” (ኤፌሶን 5:14–17)

— ጂ. ስቴድል