ሕቶ፦ ንውሉዳትና ንጐይታ የሱስ ከመይ ጌርና ነዕብዮም? ቅዱሳት ጽሑፋት እንታይ ይምህር?
መልሲ፦ ኣምላኽ ንውሉዳቱ ኪባርኾምን ጽቡቕ ኪገብረሎምን ይደሊ። ክርስቲያን ወለዲ ንውሉዳቶም በረኸት ኪኾኑሎም ይደልዩ፣ ንሳቶም ከኣ ውሉዳቶም ህያብ ኣምላኽ ከም ዝኾኑ ይርእይዎም (መዝሙር 127:3)። ብተወሳኺ፣ ኣምላኽ ምንጪ ዅሉ ጥበብ እዩ (ያእቆብ 1:5)። ስለዚ፣ ወለዲ ንውሉዳቶም ብፍርሃት እግዚኣብሄር ንምዕባይ ዜድሊ ነገራት ንምርካብ ናብኡን ናብ ቃሉን ኪምለሱ ኣለዎም።
ነዘን ሕቶታት እዚኤን ንምምላስ ክንፍትን ከለና፣ ኣብ 1 ሳሙኤል ንኣብነት ሓናን ስድራቤታን ንሕጽር ዝበለ ግዜ ንርአ። ሰብኣይ ሓና፣ ኤልቃና፣ ንእግዚኣብሄር ዜገልግል ሌዋዊ ነበረ። ምናልባት ሰበይቱ ክትወልድ ስለ ዘይከኣለት፣ ኤልቃና ካልኣይቲ ሰበይቲ ወሰደ፣ እዚ ድማ በቲ ግዜ እቲ ብዙሕ ይኸውን ነበረ እምበር፣ ንሓዳር ብዛዕባ ዝምልከት ትልሚ ኣምላኽ ኣይነበረን፣ ኣይኮነን ከኣ (ዘፍጥረት 2:24 ርአ)።
ኤልቃና ምስ ካልኣይቲ ሰበይቱ ብዙሓት ውሉዳት ወለደ፣ ንሳ ድማ ንሓና ምጽራፍ ጀመረት። ይኹን እምበር፣ እዚ ንሓና ብዙሕ ሓዘን ዘምጽኣላ ነገር ጥራይ ኣይነበረን። ሓና ብሓቂ ንጥቕሚ ኣምላኽ ትግደስ ነበረት። በቲ ግዜ እቲ ድኻ ዝነበረ ሊቀ ኻህናት፣ ኤሊ፣ ከምኡ’ውን ሓጢኣተኛዊ ተግባራት ክልተ ደቁ ንሓና ብዙሕ ሓሳብ ከም ዘምጽኣላ ይርአ።
ሓና ክትጽሊ ከላ መብጽዓ ኣተወት ወዲ እንተ ወሊዳ ንኣገልግሎት እግዚኣብሄር ከም እትውፍዮ። ብጸጋኡ ኣምላኽ ንጸሎታ መለሰላ፣ ንሳን ኤልቃናን ከኣ ሳሙኤል ዝበሃል ወዲ ሃቦም፣ እዚ ድማ ምናልባት «ካብ ኣምላኽ ዝተሓተተ» ማለት እዩ። ድሕሪኡ፣ ኣምላኽ ሰለስተ ካልኦት ኣወዳትን ክልተ ኣዋልድን ሃቦም (1 ሳሙኤል 2:21)።
ሳሙኤል ገና ንእሽቶ ከሎ፣ ሓና ናብ ሊቀ ኻህናት ወሰደቶ፣ ወዳ ድማ ኣብኡ ንኣገልግሎት ኣምላኽ ወፈየቶ። ሳሙኤል ገና ኣብ ገዛኡ ከሎ ንኣገልግሎት ኣምላኽ ተማሂሩ ነበረ፣ ኣቦኡ ሌዋዊ ስለ ዝነበረ። ሌዋውያን ንኣምላኽ ኬገልግልዎ ተመሪጾም ነበሩ (ዘሁልቍስ 3 ርአ)። ሳሙኤል በቲ ግዜ እቲ ኣብ ትሕቲ ሓለዋን ትምህርትን ሊቀ ኻህናት እኳ እንተ ነበረ፣ ሓና ንኣምላኽ ኣመስገነቶን ንንእሽቶ ወዳ ምጽላይ ቀጸለት። ሓናን ኤልቃናን ብእምነት ይሓልይሉን ንኣድላይነቱ የማልኡሉን ነበሩ (1 ሳሙኤል 1–2 ርአ)። እግዚኣብሄር ነዘን ኵለን ምድላዋት ተጠቕመለን፣ ድሕሪኡ ድማ ንሳሙኤል ወሲኹ መሃሮን መርሖን (1 ሳሙኤል 3)።
እዚ ካብ ቃል ኣምላኽ ዝርከብ ዘደንቕ ዛንታ ንክርስቲያን ሰብ ሓዳር ንውሉዶም ወይ ንውሉዳቶም ብመገዲ እግዚኣብሄር ኬዕብዩ የባራትዖምን ይምህሮምን። ይኹን እምበር፣ ንሕና እንነብረሉ ዘሎና ዘመን ጸጋ፣ ኣምላኽ ከምቶም ኣብ ትሕቲ ሕግታት ብሉይ ኪዳን ዝነበሩ ትእዛዛት ኣይሃበናን። የግዳስ፣ ብብዙሓት ኣብ ቅዱሳት ጽሑፋት እንምበቦም ኣብነታት ይምህረና፣ እዚኦም ድማ ክሳዕ ሎሚ ኬባራትዑና ተጻሒፎም እዮም። ንኣብነት፣ ማቴዎስ 1–2፤ ሉቃስ 1–2፤ ዮሃንስ 1–2፤ 1 ጢሞቴዎስ 1–3 ኣንብብ።
እዚኣቶምን ካልኦት ብዙሓት ቅዱሳት ጽሑፋትን ነተን ኣብ ኣርእስቲ እዛ ዓንቀጽ ዘለዋ ሕቶታት ዚምልሳ ጠቓሚ መምርሕታትን ኣብነታትን ይህቡና። ብዙሓት ጽቡቓት መጽሓፍቲ ምኽሪ ኣለዋ፣ እሙናት ዓበይቲ ኣሕዋትን ኣሓትን ብእምነት ኪሕግዙ ይኽእሉ እዮም፣ ግናኸ ቅድም ናብ ቅዱሳት ጽሑፋት ኪዱ! ንኣወዳድ ኣዋልድ ሓዳር ብምሉኦም ንእግዚኣብሄር ኪውፍዩን ኣብዚን ኣብ ኵሉ ኣድላይነትን ንሓገዝ ኣብኡ ኪምርኮሱን ብጽኑዕ ነባራትዕ።
ክሳዕ ክንደይ ዕድመ እዮም ውሉዳት ንወለዶም ኪግዝኡ ሓላፍነት ዘለዎም? ዓለም ኣብ ፍሉያት ዕድመታት ተሰማሚዓ ኣላ፣ እዚኦም ድማ ዕድመታት ምስትውዓል ኪኾኑ እዮም። ብሓፈሻ እዞም ሕግታት ቅኑዓትን ጥበበኛታትን እዮም። በዘን መምርሕታት እዚኤን፣ ብሓደ ሸነኽ ንሕጊ ምፍራስ፣ ብኻልእ ሸነኽ ድማ ንግፍዒ ይዅንና፣ ከመይሲ ኣብ ክልቲኡ ሓደጋ ኣሎ።
ዝተጸበበ ስነ-ምግባራዊ ስምዒት ካብ ዕድመ ገደባት ንላዕሊ ኪኸይድ እዩ፣ ኣብቲ ውሉድ ንሓገዝ ኣብ ወለዲ ዝምርኮሰሉ ግዜ ድማ ምግዛእ ኪሓትት እዩ። ፍቕሪ ክርስቶስ ኣብ ስድራቤት ኣብ ዝነግሰሉ፣ ውሉዳት ንሓለዋን ምኽርን ወለዲ ኬወግዱ ኣይክምነዩን። የግዳስ፣ ኪደልይዎን ኬፍቅርዎን ኪእዘዝዎን እዮም። ወለዲ፣ ፍቕሪ ክርስቶስ ኣብ ዝገዝኣሉ፣ ስልጣን ብዘይግቡእ ኣይኪጥቀሙን እዮም። የግዳስ፣ ኣብ ውሉዳቶም ሕልና ብጥንቃቐ ኬማዕብዩን፣ ከም ዝተኣማመኑሉ ምስ ረኣዩ ድማ፣ ኣብ ቅድሚ እግዚኣብሄር ናይ ገዛእ ርእሶም መገዲ ኪረኽቡ ሓራ ኪገድፍዎም እዮም። —ኤች. ቢ. ኮደር (ካብ 400 ሕቶታትን መልስታትን, Biblecentre.org ዝተወስደ)።
