እንታይ ናብ ኣእምሮኻ ይመጽእ?
ንእዚ ሕታም እዚ ኸኣ ከምኡ ክገብር ከለኹ፣ ሓሳባተይ ብጥቕስታት መጽሓፍ ቅዱስን መዝሙራትን መልአ። ገለ ጥቕስታት ብየሱስ እተዛረቡ እዮም፦ «ኣነ መንገዲን ሓቅን ህይወትን እየ» (ዮሃንስ 14:6 NASB) ከምኡ’ውን «ኣነ ኵሉ ሳዕ ንእኡ ባህ ዜብል እዩ ዝገብር» (ዮሃንስ 8:29)። ሃዋርያ ጳውሎስ ከኣ «ብእኡ ዅሉ ተፈጥረ እሞ፣ ኣብ ሰማይን ኣብ ምድርን ዘሎ፣ ዚርአን ዘይርአን... ዅሉ ብእኡን ምእንቲ እኡን ተፈጢሩ እዩ» (ቈሎሴ 1:16) ኢሉ ጸሓፈ። ካብ ካልኦት መዝሙራት ሓደ፣ ብራልፍ ካርማይክል እተጻሕፈ «ንሱ ዅሉ ነገር እዩ ንኣይ» ዝብል መዝሙር’ውን ናብ ኣእምሮይ መጸ፦
ኣብ ከዋኽብቲ ዕዮ ኢዱ እርኢ፣ ብንፋስ ብግርማ ይዛረብ፣ ምስ ምድርን ባሕርን እንተ ገዝአ’ውን፣ ንኣይ እንታይ እዩ?
እዚ ሕቶ እዚ ነቲ ንተግባራዊ ኣተገባብራ ናይቲ ቀንዲ ዓንቀጻት እንህቦ ምላሽ ክጸሉ ይግባእ። እዚ ኣብ ያእቆብ ዘሎ ንኣፍና ንዝወጽእ ነገር ከቢድ ብድሆ የቕርብ፦ «ሓደ እኳ ሃይማኖተኛ ርእሱ እንተ መሰለ፣ ልሳኑ ግና እንተ ዘይገትአ... ሃይማኖቱ ንኸንቱ እያ» (ያእቆብ 1:26) ከምኡ’ውን «ሓደ እኳ ብቓሉ ዘይዕንቀፍ እንተ ኾነ፣ ንብዘሎ ስጋኡ ኺገትእ ዚኽእል ፍጹም ሰብ እዩ» (ያእቆብ 3:2)። እንዛረቦን እንገብሮን ምስ የሱስ ክርስቶስ ዘሎና ርክብ የርኢ ድዩ? ዮሃንስ ከምዚ ኢሉ ጸሓፈ፦ «ምስኡ ሕብረት ኣሎና እንተ በልና፣ ኣብ ጸልማት ግና እንተ ተመላለስና፣ ንሕሱ እሞ ሓቂ ኣይንገብርን ኢና። ኣብ ብርሃን ከምቲ ንሱ ባዕሉ ኣብ ብርሃን ዘሎ እንተ ተመላለስና ግና፣ ንሓድሕድና ሕብረት ኣሎና፣ ደም የሱስ ወዱ ኸኣ ካብ ኵሉ ሓጢኣት የንጽሓና» (1 ዮሃንስ 1:6-7)።
እቶም ብጐይታና የሱስ ክርስቶስ ዝኣመና፣ ከምቲ ከዋኽብቲ ሰማይ፣ ብቓልናን ብግብርናን ክብርታት ኣምላኽ ክንርኢ ይግባእ – ብሕድሕድና፣ ምስ ስድራቤትና፣ ኣብ ኣገልግሎት፣ ወይ ኣብ ሓደገኛ ኩነታት። ሕጂ፣ ንስኻ ምሕረት ኣምላኽ ዘይተቐበልካ እንተ ኾንካ፣ ነቲ ኣብቲ ፍሉጥ ጥቕሲ፣ ዮሃንስ 3:16፣ ዘሎ ዓቢ ፍቕሪ ኣምላኽ ክትምልስ ንምሕጸነካ፦ «ኣምላኽ ንዓለም ክሳዕ ክንድዚ ስለ ዝፈተዋ፣ ንበይናዊ ወዱ ሃበ፣ ምእንቲ ዅሉ ብእኡ ዚኣምን ከይጠፍእ፣ ህይወት ዘለኣለም የሕልፍ እምበር።»
እዚኦም ገለ ናብ ኣእምሮይ ዝመጹ ነገራት እዮም። ይኹን እምበር፣ ኵላትና ፍልይ ዝበልና ኢና እሞ ጐይታ ምስ ነፍሲ ወከፍና ብፍሉይ ይዓዪ። ስለዚ ነዞም ዓንቀጻት እዚኦም ክትብብ ከለኻ እሓትት፦ ካብ ጐይታ እንታይ ናብ ኣእምሮኻ ይመጽእ?
