«> ኣብ ማእከልኩም ዓብዪ ኪኸውን ዚደሊ ዘበለ — ኣገልጋልኩም ኪኸውን ኣለዎ: ቀዳማይ ኪኸውን ዚደሊ ዘበለ ድማ — ባርያኹም ኪኸውን ኣለዎ።» ማቴዎስ 20:26-27
ገሊኦም ሰባት ብሒደት «ቦታ» ዘለዎም: ዅሉ እተገብረሎም ውህበታትን ዅሉ ብኻልኦት እተዋህበ ኣገልግሎታትን ከም ግቡእ ናቶም ዚቕበሉ ይመስሉ: ምኽንያቱ ብሰንኪ ልዑል ደረጃኦም ወይ ኣብ ማእከል ሰባት ዘለዎም ዓብዪ ኣገዳስነት። ንኽብሮም ይድግፉ: ብግብሪ ድማ ይሓቱ ኣቓልቦ: ከምኡ’ውን ካብቶም ንጹሃት: ስሩዓት መሓዙቶም ሓደ ደረጃ ምትሕትና። ብዝኾነ ኣጋጣሚ እቲ ዚግባእ ክብሪ እንተ ዘይረኸቡ ይማረሩ። ኣብ ማእከል ሰባት ዘለዎም ልዑል ቦታ — ንብዙሕ ምግንዛብ ከም ዜብቅዖም ዚስምዖም ይመስል; እንተ ዘይረኸብዎ ድማ ይቕየሙ!
ግናኸ: ብብርሃን ትምህርቲ ጐይታና: እቶም ብሓቂ ዝዓበዩ ኣብ ማእከል ሰባት — እቶም ንምግልጋል ዝበለጸ ድሉዋት እዮም ምግልጋል። እቲ ኣብ ላዕሊ እተገለጸ ትዕቢተኛ መንፈስ: ስለዚ: ኣብ ኣዒንቲ ክርስቶስ ናይ ሓቂ ዓብይነት ምልክት ኣይኮነን — ግናኸ ብሓቂ: ናይ ንእስነት ምልክት እዩ። ዅሉ ርእሰ-ድላይ ንእስነት እዩ። እቲ ሕጊ ኣገልግሎት ካብ ልቢ ኣምላኽ እተወስደ እዩ; ካልእ ምንም ብሓቂ ዓብዪ የልቦን።
