ሕቶ፦ ትምህርቲ ማለት እንታይ እዩ?
መልሲ፦ እታ ኣብ መጽሓፍ ቅዱስ “ትምህርቲ” ተባሂላ እትትርጎም ቃል መብዛሕትኡ ግዜ ዲዳስካሊያ እያ። ትርጉማ ኸኣ “ዝምሃር ነገር” ማለት እዩ። ግናኸ መጽሓፍ ቅዱስ ብዛዕባ ትምህርቲ ዝያዳ ይብል። ሰለስተ ዓይነት ትምህርቲ፡ ሰለስተ ዓይነት ምምሃር ኣሎ።
ቀዳማይ፡ ኣዕናዊ ትምህርቲ ኣሎ – ንእምነት ዘዕኑ፡ መራሕቲ ቤተ ክርስቲያን ከኣ ክፈትሕዎ ይግባእ (1 ጢሞ. 1፡19-20)። ከምዚ ዝኣመሰለ ትምህርቲ ንቤተ ክርስቲያን መሰረታዊ ሓቂ እምነት ተባሂሉ ንእትቖጽሮ ነገር ዝጻረር እዩ። መሰረታዊ ሓቅታት ብቤተ ክርስቲያን ብወግዓዊ መገዲ ይፍለጡ፡ ብውልቀ ክኢላታት ድማ ብዘይወግዓዊ መገዲ ብመሰረት መንፈሳዊ ብስለቶም ይፍለጡ። ንእምነት ኣዕናዊ ዝኾነ ትምህርቲ ብግቡእ “ሓሳዊ ትምህርቲ” ተባሂሉ ይጽዋዕ። እዚ ስያመ እዚ ሓደ ሰብ ብቐሊሉ ዘይሰማምዓሉ ትምህርቲ ንምግላጽ ክጥቀመሉ የብሉን። ሓደ ሰብ ከምዚ ብምባል እንተ ደምደመ የጋገይ እዩ፡ “ብኣረኣእያይ እዚ ዘይመጽሓፍ ቅዱሳዊ እዩ፡ ስለዚ ኸኣ ‘ሓሳዊ ትምህርቲ’ እዩ።”
ካልኣይ፡ ዘይጠቅም ትምህርቲ ኣሎ። “ንሰማዕቲ ዚጠቅም፡ ንምህናጽ ዚኸውን ጽቡቕ ቃል” ክንምህር ከም ዘሎና ብንጹር ተነጊርና ኣሎ (ኤፌ. 4፡29 NIV)። እዚ ፍቕዲ እዚ ንሰማዕቲ ዘይጠቅም ትምህርቲ ከም ዘሎ ብንጹር የርኢ። መምህራንን ሰበኽትን “እንታይ እዩ እሞ?” ብዝብል ሕቶ ንርእሶም ክፈታተኑ ይግባእ፡ እዚ ድማ ዝብልዎ ዘለዉ ንሰማዕቲ ጠቓሚ ምዃኑ ንምርግጋጽ እዩ።
ሳልሳይ፡ ጠቓሚ ትምህርቲ ኣሎ። መጽሓፍ ቅዱስ “ብዘሎ ጽሑፍ ብመንፈስ ኣምላኽ እተነፍሰ እዩ እሞ፡ ንምምሃርን ንምግሳጽን ንምእራምን ንጽድቂ ዚኸውን ምእማርን ይጠቅም፡ እቲ ሰብኣይ ኣምላኽ ንሰናይ ግብሪ ዘበለ ፈጺሙ እተዳለወ ምእንቲ ኪኸውን” ይብል (2 ጢሞ. 3፡16-17)። መጽሓፍ ቅዱስ ንምፍላጥ ጥራይ ዘይኮነስ፡ ምኽንያቱ “ፍልጠት የዐብይ” (1 ቈረ. 8፡1)፡ ፍልጠት መጽሓፍ ቅዱስ ከኣ ፍሉይ ኣይኮነን። ግናኸ መጽሓፍ ቅዱሳዊ ፍልጠት ንምግሳጽ፡ ንምእራም፡ ንምምሃር፡ ንሰናይ ግብሪ ዘበለ ንምድላው ክጥቀመሉ ከሎ ጠቓሚ ይኸውን። ትምህርትታት ክንትግብሮም እንተኽኢልና ጥራይ እዮም ዋጋ ዘለዎም።
ብቐሊሉ ብትምህርቲ ነጥብታት ጥራይ ክንሕዝ ንኽእል ኢና፡ ኣብ ክንዲ እቲ እግዚኣብሔር ክንከውን ዝደልየና ሰባት ምዃን – እዚ ኸኣ እቲ ትምህርቲ ዝዓለመሉ እዩ!
