ናብ ድሕነትን ሰማይን ዘብጽሕ መጽሓፍ ቅዱሳዊ መገዲ ምስትውዓል

ናብ ሰማይ ዘብጽሕ መገዲ

የሱስ ድማ፡ «ኣነ እየ መገዲ፡ ሓቅን ህይወትን። ሓደ እኳ ብዘይ ብኣይ ናብ ኣቦ ኣይመጽእን» በሎ። — ዮሃንስ 14:6

ኵሉ ሓጥኣን እዩ

ፍልልይ የልቦን፡ ከመይሲ ኵሉ ሓጢኣት ገይሩ ኻብ ክብሪ ኣምላኽ ከኣ ነጸለ (ሮሜ 3:22-23)።

እግዚኣብሔር ድማ እከይ ሰብ ኣብ ምድሪ ብዙሕ ከም ዝኾነ፡ ኵሉ ሓሳብ ልቡ ኸኣ ኵሉ ግዜ እከይ ጥራይ ከም ዝኾነ ረኣየ (ዘፍጥረት 6:5)።

ፍርዲ ርግጽ እዩ

ንሰብ ሓንሳብ ምሟት፡ ድሕሪኡ ድማ ፍርዲ ተመዲቡሉ እዩ (እብራውያን 9:27)።

ነፍሲ ወከፍና ብዛዕባ ርእሱ ንኣምላኽ ሕሳብ ክህብ እዩ (ሮሜ 14:12)።

እዚኦም ናብ ዘለኣለማዊ መቕጻዕቲ ኪኸዱ እዮም (ማቴዎስ 25:46)።

ለውጢ ክህሉ ኣለዎ

እንተ ዘይተነሳሕኩም፡ ኵላትኩም ከምኡ ኽትጠፍኡ ኢኹም (ሉቃስ 13:3)።

ሓደ እኳ እንተ ዘይተወልደ፡ መንግስቲ ኣምላኽ ኪርኢ ኣይከኣልን እዩ (ዮሃንስ 3:3)።

እንተ ዘይተመልስኩምን ከም ቈልዑ እንተ ዘይኮንኩምን፡ ናብ መንግስቲ ሰማይ ከቶ ኣይክትኣትዉን ኢኹም (ማቴዎስ 18:3)።

ግብሪ ኬድሕነና ኣይክእልን እዩ

ሓደ እኳ ኸይመካሕ፡ ብግብሪ ኣይኮነን (ኤፌሶን 2:9)።

ብግብሪ ጽድቂ ዘይኮነስ፡ ንሕና ዝገበርናዮ (ቲቶስ 3:5)።

ሞት ክርስቶስ ኬድሕነና ይኽእል እዩ

ክርስቶስ ከም ቅዱሳት ጽሑፋት ምእንቲ ሓጢኣትና ሞተ (1 ቈረንቶስ 15:3)።

ንሱ ባዕሉ ሓጢኣትና ኣብ ስጋኡ ኣብ ዕንጨይቲ ጾረ (1 ጴጥሮስ 2:24)።

ኣገዳስነት ደም ክርስቶስ

ደም እንተ ዘይፈሰሰ፡ ይቕረታ የልቦን (እብራውያን 9:22)።

ብጠፋኢ ነገር ኣይተዋጀኹምን … ብኽቡር ደም ክርስቶስ ግና፡ ከም ናይ በጊዕ ብዘይ ነውርን ብዘይ ነጥብን (1 ጴጥሮስ 1:18-19)።

ደም የሱስ ክርስቶስ ወዱ ካብ ኵሉ ሓጢኣት የንጽሓና (1 ዮሃንስ 1:7)።

ዕድመ ክርስቶስ ንሓጥኣን

ንኣይ ምጹ፡ ኵላትኩም ዝጽዕርኩምን ጾር ዝኸበደኩምን፡ ኣነ ድማ ዕረፍቲ ክህበኩም እየ (ማቴዎስ 11:28)።

ናብ ኣነ ዝመጽእ ከቶ ኣይድርብዮን እየ (ዮሃንስ 6:37)።

ንዘለኣለም ከመይ ጌርካ ትድሕን

ንዝተቐበልዎ ኹሎም ግና፡ በስሙ ንዝኣምኑ፡ ውሉድ ኣምላኽ ኪኾኑ መሰል ሃቦም (ዮሃንስ 1:12)።

ኣምላኽ ንዓለም ክሳዕ ክንድዚ ስለ ዝፈተዋ፡ በቲ ሓደ ወዱ ዝኣምን ኵሉ ኸይጠፍእ፡ ናይ ዘለኣለም ህይወት ግና ምእንቲ ኺህልዎ፡ ንእኡ ሃቦ (ዮሃንስ 3:16)።

ብእኡ ኵሎም ነብያት ይመስክሩ፡ በስሙ ዝኣምን ኵሉ ምሕረት (ይቕረታ) ሓጢኣት ኪቕበል እዩ (ግብሪ ሃዋርያት 10:43)።

ብእኡ ዝኣምን ኵሉ ካብ ኵሉ ነገር ይጸድቕ (ግብሪ ሃዋርያት 13:39)።

ንዘለኣለም ከመይ ጌርካ ትጠፍእ

ዘይኣምን ድማ ኪዅነን እዩ (ማርቆስ 16:16)።

በቲ ወዲ ዘይኣምን ህይወት ኣይርእን፡ ግናኸ ቊጥዓ ኣምላኽ ኣብኡ ይነብር (ዮሃንስ 3:36)።

እቲ ኣማኒ ዘለኣለማዊ ህይወት ኣላቶ

ንቓለይ ዝሰምዕን በቲ ዝለኣኸኒ ዝኣምንን ናይ ዘለኣለም ህይወት ኣላቶ፡ ናብ ፍርዲ ድማ ኣይመጽእን፡ ካብ ሞት ናብ ህይወት ግና ተሰጋጊሩ እዩ (ዮሃንስ 5:24)።

ኣነ ዘለኣለማዊ ህይወት እህቦም፡ ከቶ ድማ ኣይጠፍኡን፡ ሓደ እኳ ኻብ ኢደይ ኪምንጥሎም ኣይክእልን እዩ (ዮሃንስ 10:28)።