ዕለታዊ ብርሃን, 18 ለካቲት: ብመዓልቲ መከራ መዕቘብየይ ንስኻ ኢኻ (ኤርሚያስ 17:17)

ብመዓልቲ መከራ መዕቘብየይ ንስኻ ኢኻ።

ኤርሚያስ 17:17

“ንሰናይ መን እዩ ዘርእየና? ዝብሉ ብዙሓት እዮም፤ ኦ ጐይታ፥ ብርሃን ገፅካ ኣብ ልዕሌና ተፈለጠ።”

ዳዊት 4:6

ኣነ ግና ስለ ሓይልኻ ኽዝምር እየ፤ ብምሕረትካውን ንጉሆ ደስ ይብለኒ፤ ብመዓልቲ መከራይ መፀግዕየይን እምባይን ኴንካኒ ኢኻሞ።

ዳዊት 59:16

ኣነውን ብታሕጓሰይ “ንዘለኣለም ኣይናወፅን እየ” በልኩ። ኦ ጐይታ፥ ናባኻ ኣእዌኹ፤ ናብ ኣምላኸይውን ለመንኩ። “ኣነ ናብ ጥፍኣት እንተ ወረድኩ፥ ብደመይ እንታይ ረብሓ ኣሎ? ሓመድከ የመስግነካዶ? ንሓቅኻኸ ይነግርዶ? እግዚኣብሄር ሰምዐ፤ መሓረኒውን፤ እግዚኣብሄር ረዳእየይ ኮነኒ።”

ዳዊት 30:6, 8–10

“ንሓፂር ጊዜ ሓደግኩኺ፤ ብዓብዪ ምሕረት መሊሰ ኽእክበኪ እየ። ንቑሩብ ጊዜ የመና ስለ ዝተቘጣዕኹ፥ ገፀይ ካባኺ ኸወልኩ፤ ግና ብዘለኣለማዊ ምሕረተይ ክርህርሀልኪ እየ” ይብል እቲ ተቤዛዊኺ እግዚኣብሄር።

ኢሳይያስ 54:7–8

ግና እቲ ሓዘንኩም፥ ናብ ሓጐስ ክልወጥ እዩ።

ዮሃንስ 16:20

ምሸት ብኽያት ይኸውን፤ ንግሆ ግና ሓጐስ ይኸውን።

ዳዊት 30:5

ብምስሉ ኸም መልክዑ ወዲ ወለደ።

ዘፍጥረት 5:3

ካብ ርኹስ ነገርከ ንፁህ ከውፅእ ዝኽእልዶ ኣሎ? ሓደ እኳ ዝኽእል የለን።

ኢዮብ 14:4

እንሆ፥ ብዓመፃ ተፀነስኩ፤ እነይውን ብሓጢኣት ወለደትኒ።

ዳዊት 51:5

ንስኻትኩም ብበደልኩምን ብሓጢኣትኩምን ምዉታን ነበርኩም። ... ብባህርይና ኸምቶም ካልኦት፥ ደቂ ቝጥዓ ነበርና።

ኤፌሶን 2:1, 3

ንሓጢኣት ዝተሸጥኩ ስጋዊ ሰብ እየ። ነቲ ዝገብሮ ኣይፈልጥን እየ፤ ነቲ ዝፀልኦ እየ ዝገብሮ ዘለኹ እምበር፥ ነቲ ዝደልዮ ኣይኮንኩን ዝገብሮ ዘለኹሞ። ሰናይ ንምግባር ደኣ ድልየት ኣለኒ እምበር፥ ሰናይ ግብርስ የብለይን።

ሮሜ 7:14–15, 18

ሓጢኣት ናብ ዓለም ኣተወ፤ ... ብዘይ ምእዛዝ ሓደ ሰብ፥ ብዙሓት ሓጥኣን ከም ዝኾኑ።

ሮሜ 5:12, 19

ብበደል ሓደ ሰብ፥ ብዙሓት ከም ዝሞቱ፥ እቲ ፀጋ እግዚኣብሄርን፥ እቲ ብኸምኡ ዝተውሃበ፥ ናይቲ ሓደ ሰብ፥ ብጐይታና ኢየሱስ ክርስቶስ ዝተረኽበ ውህብቶ ፀጋ፥ ኣብ ብዙሓት የመና በዚሑ ኣሎ።

ሮሜ 5:15

እቲ ኣብ ኢየሱስ ክርስቶስ ዘሎ ናይ ህይወት መንፈስ ሕጊ፥ ካብቲ ሕጊ ሓጢኣትን ሞትን፥ ሓራ ኣውፂኡና እዩሞ።

ሮሜ 8:2

ግና ነቲ ብጐይታና ኢየሱስ ክርስቶስ፥ ክነሸንፍ ዝገበረና እግዚኣብሄር፥ ምስጋና ይኹኖ።

1ይ ቆሮንቶስ 15:57