68 ንስኻ ሰናይ ኢኻሞ፥ ሰናይ ትገብር ኣለኻ፤
ብሕያዋይነትካውን ስርዓትካ መሃረኒ።
5 እታ ኻብኡ ዝሰማዕናያ፥ ንኣኻትኩምውን እንነግራ ዘለና መልእኽቲ፦ “እግዚኣብሄር ብርሃን እዩ፤ ኣብኡውን ፀልማት ከቶ የለን” እትብል እያ።
1 ድሕሪዙይ እግዚኣብሄር ንኣብርሃም ፈተኖ፦ “ኣብርሃም” ኢሉውን ፀውዖ። ኣብርሃም ከዓ “እኒሀኹ” በለ።
2 እግዚኣብሄር ድማ “ነቲ እትፈትዎ ሓደ ወድኻ ይስሓቅ ሒዝካ፥ ናብ ምድሪ ሞሪያ ኺድ፤ ኣብኣ ድማ ኻብቲ ኣነ ዝነግረካ እምባታት ኣብ ሓደ፥ መስዋእቲ ጌርካ ሰውአለይ” በሎ።
3 ንፅባሒቱ ድማ ኣብርሃም ኣንጊሁ ተሲኡ ኣድጉ ፀዓነ። ክልተ ኣገልገልቱን ወዱ ይስሓቅን ከዓ ምስኡ ወሰደ። ንመስዋእቲ ዝኸውን ዕንፀይቲ ፈሊፁ፥ ናብቲ እግዚኣብሄር ዝበሎ ቦታ ኸደ። 4 ኣብ ሳልሰይቲ መዓልቲ ኣብርሃም ኣንቃዕሪሩ ጠመተሞ ነታ ቦታ ብርሑቕ ረአያ። 5 ኣብርሃም ድማ ነቶም ኣገልገልቱ “ነዝ ኣድጊ ሒዝኩም ኣብዙይ ፅንሑ፤ ኣነን እዝ ወደይን ናብቱይ ክንከይድ ኢና፤ ሰጊድና ኸዓ ናባኻትኩም ክንምለስ ኢና” በሎም።
6 ኣብርሃም ድማ ነቲ ንመስዋእቲ ዝኸውን ዕንፀይቲ ኣልዒሉ፥ ንወዱ ይስሓቅ ኣሰከሞ። ንሱውን ሓዊን ካራን ብኢዱ ሓዘ። ክልቲኦም ድማ ብሓደ ኸዱ። 7 ይስሓቅ ነቦኡ ኣብርሃም “ኣቦይ” ኢሉ ፀውዖ፤ ኣብርሃም ከዓ “እኒሀኹ ወደይ” በሎ። ይስሓቅ ድማ “ሓዊን ዕንፀይትንስ እንሆ፤ እቲ ንመስዋእቲ ዝኸውን በጊዕ ደኣ ኣበይ ኣሎ?” ኢሉ ጠየቖ።
8 ኣብርሃም ከዓ “ወደይ፥ እቲ ንመስዋእቲ ዝኸውን በጊዕስ እግዚኣብሄር ከዳሉ እዩ” ኢሉ መለሰሉ፤ ክልቲኦም ድማ ብሓደ ኸዱ።
9 ኣብርሃምን ወዱን ድማ ናብታ እግዚኣብሄር ንኣብርሃም ዝሓበረሉ ቦታ በፅሑ፤ ኣብርሃም ድማ ኣብኣ መሰውኢ ሰርሐ፤ ዕንፀይቲ ኸዓ ፀፍፀፈሉ። ንወዱ ይስሓቅ ኣሲሩ ድማ ኣብቲ መሰውኢ ኣብ ልዕሊ እቲ ዕንፀይቲ ኣጋደሞ። 10 ኣብርሃም ድማ ኢዱ ዘርጊሑ ንወዱ ኽስውእ ካራ ኣልዓለ። 11 መልኣኽ እግዚኣብሄር ከዓ ኻብ ሰማይ “ኣብርሃም! ኣብርሃም!” እናበለ ፀውዖ። ኣብርሃምውን “እኒሀኹ” በለ። 12 ንሱ ድማ “ንወድኻ፥ ነዝ ሓደ ወድኻ እኳ ኻብ ዘየናሕሰኻሉ፥ ንእግዚኣብሄር ከም እትፈርሕ ሕዚ ፈሊጠ ኣለኹ እሞ፥ ኢድካ ኣብ ልዕሊ እዝ መንእሰይ ከይትዝርግሕ፤ ጕድኣትውን ከይተብፅሐሉ” በሎ።
13 ኣብርሃም ድማ ግልፅ እንተበለ፥ እንሆ ኣብ ድሕሪኡ ቐርኑ ብሃረግ ዝተትሓዘ በጊዕ ረአየ። ከይዱ ድማ ነቲ በጊዕ ወሲዱ፥ ክንዲ ወዱ ይስሓቅ ንዝቃፀል መስዋእቲ ሰውኦ። 14 ኣብርሃም ከዓ ነቲ ቦታ እቱይ “እግዚኣብሄር ከዳሉ እዩ” ኢሉ ሰመዮ። ክሳዕ ሎሚ “ኣብቲ እምባ እግዚኣብሄር፥ ከዳሉ እዩ” ይበሃል።
15 መልኣኽ እግዚኣብሄር ድማ ንኻልኣይ ጊዜ ኻብ ሰማይ ንኣብርሃም ፀውዖ። 16 “ብርእሰይ እምሕል ኣለኹ፤ ይብል እግዚኣብሄር፤ ነዝ ነገር እዙይ ስለ ዝገበርካ፥ ንወድኻ፥ ነቲ ሓደ ወድኻ እኳ ስለ ዘይከላእኻኒ፥ 17 ፈፂመ ኽባርኸካ እየ፤ ንዘርእኻ ድማ ኸም ከዋኽብቲ ሰማይን፥ ከምቲ ኣብ ገምገም ባሕሪ ዘሎ ሑፃን፥ ከብዝሖ እየ። ዘርእኻ ድማ ኣፍ ደገ ፀላእቶም ክወርሱ እዮም። 18 ቃለይ ስለ ዝሰማዕኻ ድማ ኣህዛብ ኵላ ምድሪ ብዘርእኻ ኽባረኹ እዮም” በሎ። 19 ኣብርሃም ከዓ ናብቶም ኣገልገልቱ ተመለሰ። ሓቢሮም ድማ ናብ ቤርሳቤህ ኸዱ። ኣብርሃም ከዓ ኣብ ቤርሳቤህ ተቐመጠ።
20 ብድሕሪዙይ ንኣብርሃም “እንሆ ሚልካ ንናኮር ሓውካ ደቂ ወሊዳትሉ” ኢሎም ነገርዎ። 21 ንሳቶም ከዓ ዑፅ እቲ በዅሩ፥ ቡዝ ሓዉ፥ ቀሙኤል ኣቦ ኣራም፥ 22 ኮዛት፥ ሓዞ፥ ፊልዳስ፥ የድላፍ፥ ባቱኤል እዮም። 23 ባቱኤል ንርብቃ ወለደ። ስለዙይ ሚልካ ንናኮር ሓው ኣብርሃም ሸሞንተ ደቂ ወለደትሉ። 24 ሬሕማ ዝስማ ዕቅብቱ ድማ ጥባሕ፥ ገኣም፥ ተሓስ፥ ሞክሳ ዝበሃሉ ደቂ ወለደትሉ።
ዳዊት 119:68 · 1ይ ዮሃንስ 1:5 · ዘፍጥረት 22 · ትመ15
መዝሙር 119:68 ኣምላኽ ጽቡቕ ከም ዝኾነን ጽቡቕ ከም ዝገብርን ብግልጺ ይገልጽ። ሓጢኣት ንኡ ዘጸይፍ እዩ፤ ንቕዱስ ባህርዩ ፍጹም ተጻራሪ እዩ፡ ከመይሲ «ኣምላኽ ብርሃን እዩ፡ ኣብኡ ድማ ጸልማት ፈጺሙ የልቦን» (1 ዮሃ. 1:5)። ንሰብ ክፍትኖ ይኽእል እዩ፡ ከምቲ ንኣብርሃም ኣብ ዘፍጥረት 22 ዝገበሮ፡ ግናኸ ሓደ እኳ ክፉእ ወይ ጌጋ ክገብር ፈጺሙ ኣይሕብርን እዩ። ናብ ሓጢኣት ዘለና ዝንባለን ድሌትን ካብቲ ቅዱሳት ጽሑፋት ስጋ ዝብሎ እዩ ዝመጽእ፡ ናይ ባዕልና ሓጥእ፡ ዝወደቐ ባህሪ (ያዕ. 1:13–15)።
ብዙሕ ግዜ፡ ኣብ ህይወትና ኩነታት ይፍጠር፡ ነገራት ባዕልና ክንሰርሖም ንፍትን፡ ንኹነታት ድማ ዝያዳ ነጸጋግሞ። ጐይታ ኣብ ባዕልና ብልሓት ወይ ኣብ ባዕልና ሓይሊ ክንውከል ኣይደልየናን። ንኡ ዝኸብድ ነገር ከም ዘየለ፡ ንሱ ድማ ክመጽእን ነቲ ዕንቅፋት ናብ ዕድል ንኽብሩ ንምግላጽ ክቕይሮ ከም ዝኽእል ክንኣምን ይደሊ! ጐይታ ንኣብራም ከም ኩሉ ዝኽእል ኣምላኽ ገይሩ ይገልጽ! እዚ ስም እዚ ካብ ክልተ ቃላት ዝተሰርሐ እዩ፡ ኤል ብዛዕባ ሓይሊ ይዛረብ፡ ሻዳይ ድማ ናይ ኩሉ ሓይልን ኩሉ ምሉእነትን ሓሳብ ኣለዎ። ጐይታ ንኣብራም ሳራይ ወዲ ክትወልድ ከም ዝኾነት፡ እንተላይ ወዲ 90 ዓመት ክትከውን ከላ፡ ክነግሮ ነበረ!
ዓቢ ውሳነ እንተ ገጢምካካ ወይ ኣብ ዘይከኣል ምዕንቃፍ እንተ ረኺብካ ንርእስኻ፡ ቅድሚ ጐይታ ኣይትሩጽ። ንሓይሉን ስልጣኑን ክገልጽ ንኡ ጽበ! ኣብራም ኣብ ቅድሚ ጐይታ ክመላለስን ንጹህ ክኸውንን ተመሪሑ ነበረ። ዘይከኣል ነገር ክገጥመካ ከሎ፡ ኣብ ቅድሚ ገጽ ጐይታ ተመላለስ፡ ብምሉኡ ንኡ ተወፊ፡ ንሱ ድማ ኣብ ግዜ ሓጃኻ ኩሉ ዝኽእል ኣምላኽ ከም ዝኾነ ክገልጽ እዩ!
ኣምላኽ ኣብ መወዳእታ ንእዮብ ኣብ ቅድሚኡ ንርእሱ ክርኢ ኣምጽኦ። እዚ ንእዮብ ንርእሱ ክጸይፍን ብሓመድን ሓሙኽሽትን ክንስሓን ገበሮ። ዕላማ ኣምላኽ ንእዮብ ክፍተን ምፍቃዱ ብምሉኡ ተረጋግጸ!
