6 ዳዊት ንወዱ ሰሎሞን ፀዊዑ ንስም እግዚኣብሄር ኣምላኽ እስራኤል ቤተ መቕደስ ክሰርሕ ኣዘዞ። 7 ከምዙይ ድማ በሎ፦ “ሰሎሞን ወደይ! ኣነ ንስም እግዚኣብሄር ኣምላኸይ ቤተ መቕደስ ክሰርሕ ብልበይ ሓሲበ ነይረ። 8 ግና እግዚኣብሄር ከምዙይ በለኒ፦ ‘ንስኻ ብዙሕ ደም ኣፍሲስካ፥ ብዙሕ ውግእ ኸዓ ተዋጊእኻ ኢኻ፤ እምበኣርከስ ኣብ ቅድመይ ብዙሕ ደም ኣብ ምድሪ ስለ ዘፍሰስካ፥ ንስመይ ቤተ መቕደስ ኣይትሰርሐለይን ኢኻ። 9 እንሆ፥ ንስኻ ወዲ ኽትወልድ ኢኻ፤ ንሱ ኸዓ ናይ ህድኣት ሰብ ክኸውን እዩ፤ ኣብ ዙርያኡ ኻብ ዘለዉ ዅሎም ፀላእቱ ድማ ሰላም ስለ ዝህቦ፥ ስሙ ሰሎሞን ክበሃል እዩ፤ ብዘመኑ ድማ ንእስራኤል ሰላምን ህድኣትን ክህብ እየ። 10 ንሱ ንስመይ ቤተ መቕደስ ክሰርሐለይ እዩ። ንሱ ውሉድ ክኾነኒ እዩ፤ ኣነ ድማ ኣቦኡ ክኾኖ እየ። ዙፋን መንግስቱ ኸዓ ኣብ ልዕሊ እስራኤል ንዘለኣለም ከፅንዐሉ እየ።’
11 “ሕዚ ኸዓ፥ ኣታ ወደይ፥ እግዚኣብሄር ምሳኻ ይኹን። ከምቲ ንሱ ብዛዕባኻ ዝተዛረቦ ድማ ቤት እግዚኣብሄር ኣምላኽካ ኽትሰርሕ ይሓግዝካ። 12 ንህዝቢ እስራኤል ከም ሕጊ እግዚኣብሄር ኣምላኽካ ምእንቲ ኽትመርሖም፥ እግዚኣብሄር ኣእምሮን ምስትውዓልን ይሃብካ። 13 ነቲ እግዚኣብሄር ብሙሴ ገይሩ ንደቂ እስራኤል ዝሃቦም ሕግጋትን ፍርድታትን ተጠንቂቕካ እንተ ሓሊኻዮ፥ ክቐንዐካ እዩ። ፅናዕ፤ ትባዕ፤ ኣይትፍራሕ፤ ኣይትሸበር።
14 “እንሆ ኣነ ኸዓ፥ ብዓቕመይ ንቤት እግዚኣብሄር ዝኸውን ሰለስተ ሽሕን ኣርባዕተ ሚእትን ኪሎ ግራም ወርቅን ልዕሊ ሰላሳን ኣርባዕተን ሽሕ ኪሎ ግራም ብሩርን ኣዳልየ ኣለኹ። ነሃስን ሓፂንን ከዓ ብዙሕ ስለ ዝኾነ ኽምዘን ዘይከኣል ኣዳልየ ኣለኹ። ኣእዋምን ኣእማንንውን ኣዳልየ ኣለኹ። ንስኻ ድማ ኣብ ልዕሊኡ ወስኸሉ። 15 ብዙሓት ክሰርሑ ዝኽእሉ ኸዓ ምሳኻ ኣለዉ። ኵሉ ዓይነት ስራሕ ዝፈልጡ፥ ቀረፅትን ወቐርትን ፀረብትንውን ኣለዉኻ፤ 16 ብወርቂ፥ ብብሩር፥ ብነሃስ፥ ብሓፂን ክሰርሑ ዝኽእሉ ኸዓ ቝፅሪ የብሎምን። እምበኣር ተስእ እሞ ስራሕ ጀምር፤ እግዚኣብሄር ድማ ምሳኻ ይኹን።”
9 “ኣታ ወደይ ሰሎሞን፥ እግዚኣብሄር ንዅሉ ልቢ ይምርምር፥ ንዅሉ ሓሳባት ድማ ይፈልጥ እዩሞ፥ ንኣምላኽ ኣቦኻ ፍለጦ፤ ብፍፁም ልብኻን ብምሉእ ድሌትካን ከዓ ኣገልግሎ። እንተ ደሊኻዮስ፥ ክትረኽቦ ኢኻ፤ እንተ ሓደግካዮ ግና ንዘለኣለም ክሓድገካ እዩ። 10 ሕዚ ኸዓ ኣስተውዕል፦ ንመቕደስ እትኸውን ቤት ክትሰርሕ ሓርዩካ እዩ እሞ፥ ጠንኪርካ ስራሕ።”
20 ዳዊት ንወዱ ሰሎሞን ከምዙይ በሎ፦ “እግዚኣብሄር ኣምላኽ፥ እቲ ኣምላኸይ፥ ምሳኻ እዩሞ፥ ፅናዕ፤ ትባዕ፤ ስራሕ፤ ኣይትፍራሕ፤ ኣይትሸበርውን። እቲ ነገልግሎት ቤት እግዚኣብሄር ዝኸውን ኵሉ ስራሕ ክሳዕ ዝውዳእ፥ ንሱ ኣይጠልመካን፤ ኣይሓድገካን ከዓ እዩ።
1ይ ዜና 22:6–16 · 1ይ ዜና 28:9–10 · 1ይ ዜና 28:20 · ትመ15
ን1 ዜና መዋእል ክንምርምር ከለና፡ ዳዊት ንወዱን ብኣምላኽ ዝተመዘዘ ወራሲኡን ነቲ ኣምላኽ ዝመደቦ ዓብዪ ዕዮ ኼሰልጥኖ ከም ዝተዋፈረ ንርኢ። ኣምላኽ ንሰሎሞን ፈተዎ፡ ንሱ ድማ ሓደ እተወሰነ ስም፡ የዲድያ፡ ማለት “ፍቑር ጐይታ”፡ ሃቦ። ሰሎሞን እናዓበየ ምስ ከደ፡ ዳዊት ቅድም ብውልቂ (22:6–16) ፡ ድሕሪኡ ድማ ብህዝቢ፡ ኣምላኽ ነዚ ፍሉይ ዕዮ እዚ ኸም ዝመረጾ ኣፍለጠ።
ኣምላኽ ንደቅና ክንደይ ከም ዚፈትዎም ንፈልጥ ዲና? ንሱ ንሳቶም ንርእሱ ይደልዮም፡ ንሓደ ሓደ ክርስትያን ወላዲ ዘለዎ ቘልዓ እውን ቅዱስ—ንርእሱ ዝተፈልየ—ይብሎ። ንክርስትያን ኣቦታት—ክርስትያን ኣዴታት እውን ኪሕግዛ ይኽእላ—ብንጹር ይነግሮም፡ “ንደቅኹም ንዅራ ኣይተበግስዎም፡ ግናኸ ብስልጠናን ምዕዶን ጐይታ ኣዕብይዎም” (ኤፌ. 6:4) ። ብዙሓት ኣብ ገዛኦም ዚመሃሩ ብጥንቃቐ ነዚ ኺፍጽምዎ ይደልዩ፡ ንደቆም ባዕሎም ብምምሃር፡ ካልኦት ድማ ደቆም ኣብ ቤት ትምህርቲ እንታይ ከም ዚመሃሩ ብጥንቃቐ ይከታተሉ።
ዳዊት ንመንእሰይ ሰሎሞን ኪምህሮ ከሎ እንታይ ኣጕልሐ? ንውልቃዊ ታሪኹ ብዛዕባ ኣካይዳ ኣምላኽ ምስኡ ብግልጺ ኣካፈለ፡ ንኣምላኽ ብዝኾነ ይኹን መገዲ ኸይወቅስ ተጠንቀቐ። ንጥበብ ኣብ ፍርሃት ጐይታ ዝተመርኮሰት ምዃና ኣጕልሐ። ናይ ሓቂ ጥበብ ካብ ፍልጠት ንላዕሊ እያ። ንደቅና እውን ብግልጽን ብንጹርን ንኹን፡ ንፍቕሪ ኣምላኽ ከምቲ ብኣካይዳኡ ምስና ዝተራእየ ንምግላጽ ንካፈሎም። ንደቅና ምስ ጐይታ ጥዑይ ዝምድና ኺህልዎም ከም እንብርትዖም፡ ንሱ ንኣና ጽቡቕ ኣብነት ክንከውን ይሓግዘና።
