6 ሰሎሞን ድማ “ንስኻ ንባርያኻ ነቦይ ዳዊት ብዙሕ ምሕረት ገበርካሉ። ንሱ ኸዓ ኣብ ቅድሜኻ ብእምነትን ብፅድቅን ብቕንዕና ልብን ተመላለሰ፤ ነዝ ዓብዪ ምሕረት እዙይ ሓሊኻ ኸዓ፥ ከምዝ ሎሚ ኾይንዎ ዘሎ፥ ኣብ ዙፋኑ ዝቕመጥ ወዲ ሃብካዮ።
10 ሰሎሞን እዝ ነገር እዙይ ስለ ዝለመነ ድማ፥ ነገሩ ንእግዚኣብሄር ደስ ኣበሎ።
29 ኣምላኽ ድማ ንሰሎሞን የመና ብዙሕ ጥበብን ምስትውዓልን ከምቲ ኣብ ገምገም ባሕሪ ዘሎ ሑፃ ኽስፈር ዘይከኣል ስፍሓት ልብን ሃቦ። 30 ጥበብ ሰሎሞን ካብ ጥበብ ኵሎም ደቂ ምብራቕን ካብ ኵሉ ጥበብ ደቂ ግብፅን ይበልፅ ነበረ። 31 ጥበብ ሰሎሞን ከዓ ኻብ ናይ ኵሉ ሰብ፥ ካብ ናይ ኤታን ኢይዝራኤላዊን፥ ካብ ናይ ሄማንን ካልኮልን ዳርዳን፥ ደቂ ማሖልን ይበልፅ ነበረ። ዝናኡ ኸዓ ናብቶም ኣብ ዙርያኡ ዘለዉ ዅሎም ህዝብታት ወፀ። 32 ሰለስተ ሽሕ ምስላ መሰለ፤ ሽሕን ሓሙሽተን መዝሙራት ድማ ደረሰ። 33 ብዛዕባ ኣእዋም ከዓ ኻብቲ ኣብ ሊባኖስ ዘሎ ዝግባ ኽሳዕ እቲ ኣብ መንደቕ ዝበቍል ስምዕዛ ተዛረበ። ብዛዕባ እንስሳን ብዛዕባ ኣዕዋፍን ብዛዕባ ለመምታን ብዛዕባ ዓሳታትን ድማ ተዛረበ። 34 ካብ ኵሎም ህዝብታት ዓለም፥ በቶም ጥበቡ ዝሰምዑ ዅሎም ነገስታት ምድሪ ዝተልኣኹ ጥበብ ሰሎሞን ክሰምዑ ሰባት ይመፁ ነበሩ።
1ይ ነገስት 3:6 · 1ይ ነገስት 3:10 · 1ይ ነገስት 4:29–34 · ትመ15
ሰሎሞን ኣብ ጸሎቱ ንጐይታ፡ ኣብ ጊብዖን ብሕልሚ ዝተራእዮ፡ ብዛዕባ ኣቦኡ ዳዊት እዚ ጽቡቕ መወከሲ ይገብር። እዚ ቓላት ጥራይ ኣይነበረን፡ ምኽንያቱ ፍቕዲ 10 ጐይታ ብጸሎቱ ከም ዝተሓጎሰ ይነግረና። ሰሎሞን ንኣቦኡ ዳዊት ኣብ ናይ ባዕሉ ጸሎት ኣኽቢሩዎ፡ ብዛዕባኡ ድማ ንኣምላኽ ብኽብሪ ተዛሪቡ። ድሕሪኡ ድማ ኣብ ህዝባዊ ጸሎቱ ኣብ ምረቓ ቤተ መቕደስ ኣኽቢሩዎ (1 ነገ. 8፤ 2 ዜና. 6)። ሰሎሞን ንምኽሪ ዳዊት ኣብ ምሕታቱ ንጥበብን ፍልጠትን ንህዝቢ ኣምላኽ ንምፍራድ ኣኽቢሩዎ ነበረ፡ ቅድሚ ሞቱ ድማ ዳዊት ንዕኡ ብጥበቡ ኣመስጊኑዎ ነበረ። እዚ ምስጋና እዚ ናብ ርእሲ ሰሎሞን ኣይከደን፡ ኣየዕበዮን። ጐይታ ንኣምላኻዊ ኣቦታት ከምኡ ገይሮም ንደቆም ከም ዝተባብዑን ከም ዘዕበዩን ይሓግዞም፡ ምእንቲ ብመገዲ ኣምላኽ ክኸዱን ንኣቦታቶም ድማ ካብ ልቢ ንኣምላኽ ከምስግኑ።
ሓቀኛ ጥበበኛ ሰብ ክንደይ ጥበብ ከም ዝጎድሎ ይፈልጥ፡ “ካብ ኣምላኽ ድማ ክሓትት እዩ፡ ንኹሉ ብልግስን ብዘይነቀፌታን ዝህብ፡ ንዕኡ ድማ ክወሃቦ እዩ” (ያዕ. 1:5)። እቶም ኣምላኽ ስልጣን ኣብ መንግስታት ዝሃቦም እዚ ክመሃሩ ምደለኹ!
“ኣምላኽ ድማ ንሰሎሞን ጥበብን ኣዝዩ ዓብዪ ምስትውዓልን ሃቦ … ካብ ኩሎም ሰባት ዝበለጸ ጥበበኛ ነበረ … ክብሩ ድማ ኣብ ኩሎም ከባቢ ሃገራት ነበረ … ካብ ኩሎም ነገስታት ምድሪ ድማ፡ ብዛዕባ ጥበቡ ዝሰምዑ፡ ንጥበብ ሰሎሞን ክሰምዑ መጹ” (1 ነገ. 4:29–34)።
