እቶም ቈረንቶሳውያን ብመንፈሳዊ ውህበታት ሃብታማት ነበሩ (1:5)፡ ግናኸ ንርእሶም ንምዕባይ ይጥቀሙሉ ነበሩ። ኣብዚ፡ ጳውሎስ ፍቕሪ ኣብ ኣተሓሳስባኣን ባህርያታን ንኻልኦት መስዋእታዊት ምዃና የርኢ። እዚ ንኣምላኽ ዚግብኦ ኪኸውን እንተ ዀይኑ፡ ኣብ ምጥቃም ውህበታትና ኽትድርኸና ኣለዋ።
ፍቕሪ ፈጺማ ኣይትፈርስን። ብኣንጻሩ፡ እቶም ዝዓበዩ ውህበታት እኳ (12:31) ኪፈሽሉ እዮም፦ ትንቢታት ኪፍጸም ዚግብኦ ምስ ዘይብሉ ኺውድኡ እዮም። እቲ ሎሚ እንረኽቦ ፍልጠት፡ ኣምላኽ ኪንፈልጦ ዚደልየና ኩሉ ብፍጹም ምስ ፈለጥና፡ ድሕሪ ሕጂ ኣየድልን እዩ። ጳውሎስ ብሓጺሩ ብዛዕባ ውህበት ልሳናት፡ ማለት ዘይተማህርካ ዚፍለጡ ቋንቋታት ናይ ምዝራብ ክእለት፡ እዚ ድማ ብቈረንቶሳውያን ኣዝዩ ዚኸብር ዝነበረ፡ ይገልጽ። እዚ ንዘይኣመንቲ ዝነበረ ምልክት ውህበት (14:22) ባዕሉ ኺውዳእ እዩ፡ እዚ ድማ ኣብ ቀዳማይ ክፍለ ዘመን ዀይኑ። እቲ ሎሚ ብዙሕ እንሰምዖ ዘሎና ዘመናዊ ልሳናት ምዝራብ ኣብ ቅዱሳት ጽሑፋት ኣይርአን።
ጳውሎስ ንርእሱ ከም ኣብነት ይጥቀም። ንሱ ቈልዓ ኸሎ፡ ብዘይበሰለ መገዲ ይዛረብ፡ ይስምዕ፡ ይሓስብ ነይሩ። ዓብዪ ምስ ኰነ፡ ንቘልዓዊ ነገራት ገደፎም። ብተመሳሳሊ፡ ሕማቕ ርእየት እንተ ኣሎና፡ ርእየትና ብዓይኒ መነጽርና ይሕጸር እዩ። ርእየትና ፍጹም እንተ ዀይኑን ኣብ ቅድሚ ገለ ነገር እንተ ኣሎናን፡ ብምሉእ ንጹህነት ንርእዮ። እዚ እዩ «ገጽ ንገጽ» ማለት፦ ንቐጥታዊ ህልውና ኣምላኽ ብፍጹም ምፍላጥ (ይሁዳ 24)። ከምቲ እተፈልጥናዮ ኽንፈልጥ ኢና (1 ቈረ. 13:12) —ኩሉ ነገር ኣይኰነን፡ እዚ ንውሱን ፍጡራት ኣብ ሰማይ እኳ ዘይከኣል እዩ። ግናኸ፡ ንህልውና ኣምላኽ ንምጥቃም ዚኸውን ኩሉ ኽንፈልጥ ኢና። እዚ ድማ ነቲ መንፈሳዊ ውህበታት ሎሚ ዚመጽእዎ በረኸት ይበልጾ።
ግናኸ፡ ንፍቕሩ ንኣምላኽ ምስጋና ይኹን፡ እዚ ድማ ነቶም ኣብ ላዕሊ ዘለዉ ሰማያዊ ኣደባባያት ይመልኦም። ፍቕሪ ፈጺማ ኣይትቕየርን እያ፡ ንሕና ግና ክንቕየር ኢና (15:51)። ጐይታና ናብ ቤት ኣቦ ምስ ኣምጽኣና፡ እታ ነቲ ግሩም ቦታ እትመልእ ፍቕሪ፡ ኣዝያ እትፍለጥ ፍቕሪ ኽትከውን እያ።
