መጽሓፍ እብራውያን ንኽብሪ ጐይታ የሱስ ከም ወዲ ኣምላኽ ብምቕራብ ይጅምር፡ “ንሱ ብርሃን ክብሩን ምስሊ ባህርዩን ስለ ዝኾነ” (እብ. 1:3)።
ምዕራፍ ክልተ ድማ ንኽብሪ ጐይታ የሱስ ከም ወዲ ሰብ የቕርበልና። እዚ ምዕራፍ እዚ፡ እቲ ቐዳማይ ሰብኣይ ኣዳም ዝፈሸለሉ፡ ጐይታ የሱስ ድማ ዝሰኣኖ ኩሉ ከም ዝመለሰ የዘኻኽረና። እቲ ቐዳማይ ምዕራፍ እብራውያን፡ ጐይታ የሱስ ካብ መላእኽቲ ዝበለጸ ምዃኑ ኣርኣየና፤ ግናኸ ጥቕስና፡ ንሱ ንሞት ምእንቲ ኺሳቐ፡ ካብ መላእኽቲ ንእሽቶ ሓጺር ከም ዝተገብረ፡ ሞት ድማ ምእንታና ኺጥዕም ከም ዝተገብረ የርእየና። ሕጂ ግና ከመይ ጌርና ንርእዮ? ሕጂ ብኽብሪን ብኽብረትን ተቐልዒ እዩ። ሕጂ እቲ ብኽብሪ ዘሎ ሰብኣይ፡ እቲ ኣብ የማን ኣምላኽ ዘሎ ሰብኣይ እዩ! እቲ ኣምላኽ ኬኽብሮ ዝሕጐሰሉ ሰብኣይ!
ነዚ ብሩኽ ሰብ ከም ወዲ ሰብ ንርእዮ (2:6)። እዚ ኣብቲ ዚመጽእ መዓልቲ ዚጽበዮ ዘሎ ኩሉ ዜዘኻኽረና መሲሓዊ ቃል እዩ። ከም የሱስ ንርእዮ፡ ከመይሲ ንሱ መድሓኒ እዩ (2:9)። ንኣና ንኽብሪ ኣምላኽ ዚፈልየና ቕዱስ ከምኡ ድማ ሓለቓ ምድሓንና ንርእዮ (2:10–11)። ከም ሃዋርያን ሊቀ ኻህናትን እምነትና ድማ ንርእዮ (3:1)። ኣብ ዝተረፈ ምዕራፍ ክልተ፡ ብዙሓት ኣወዳት ናብ ክብሪ ዜምጽእ ዘሎ፡ ኣሕዋቱ ኺብለና ዘይሓፍር፡ ኣብ ቅድሚ ኣቦኡ ንኣባላቱ ኺመርሕ ከሎ ዚርአ ኸም ዝኾነ ተቐሪቡልና ኣሎ (2:12–13)። ሕጂ ግና፡ ብሰንኪ ሰብነቱ፡ “ኣብቲ ናይ ኣምላኽ ነገር መሓርን እሙንን ሊቀ ኻህናት እዩ፡ ምእንቲ ሓጢኣት ህዝቢ ኺድምስስ” (2:17)።
