ከሙጫ ገርና ንልጣፍ ዲና?
ሓቀኛ ፍቕሪ ብምቕጻል ምፍታት እምበር ብሓንሳብ ምፍታሕ ኣይረአን። ሰብኡተን ምስ ሞቱ፡ ናእሚ ንኣሓት ሰብኡታ “ናብ ገዛኺ ተመለሲ” ኢላ ኣተባብዓተን። ኦርፋ ተኣዘዘት፡ ሳዕሳዕታ ሂባ ኸደት። ሩት ግን ንናእሚ ምልክት ዘላቒ ዝምድና ሃበታ፡ “ሩት ድማ ተጣበቐታ።” እቶም ዝቕጽሉ ክልተ ፍቕድታት ንልቢ እዘን ክልተ ኣንስቲ ብንጹር ይገልጹ። ኦርፋ ብኡብኡ “ናብ ህዝባን ኣማልኽታን” ተመልሰት፡ ሩት ግን “ኣይትለምንኒ ኻባኺ ኽርሕቕ ወይ ካባኺ ኽምለስ። ናብ ዝኸድኪ ኽኸይድ፡ ኣብ ዝቕመጥኪ ኸኣ ክቕመጥ። ህዝብኺ ህዝበ፡ ኣምላኽኪ ኸኣ ኣምላኸይ ኪኸውን እዩ” በለት።
ብዙሕ ግዜ ንሳዕሳዕታ፡ ንሕቕፊ ወይ ንምስንብታ ብዙሕ ኣገዳስነት ክንህብ ከለና፡ ጐይታና ብሳዕሳዕታ ኸመይ ከም እተኻሕደ ክንዝክር ይግባእ። እቶም ሰንበት ንግሆ ንጐይታ፡ ንህዝቡን ንጥቕሙን ዝግበሩ ምልክታት ፍቕሪ፡ ካብ ሳዕሳዕታ ኦርፋ ዝበለጸ ትርጉም ዘይብሎም ክኾኑ ይኽእሉ እዮም። ንምሉእ ሰሙን እንጣበቖን ንዕለት ዕለት እንኸዶን እዩ፡ ኣብ ውሽጥና ፍቕሪን ትምኒት ሩት ዘሎና እንተኾይና ዝነግረና። ንህዝቡ ዕለት ዕለት ህዝብና ንገብሮም ዲና? እዚኣቶም እዮም እቶም ናይ ምፍታት ሓቀኛ ምልክታት፡ እዚ ኸኣ “ከሙጫ ገርካ ምጥባቕ” ማለት እዩ።
ጐይታና ብዕለት ዕለት ጻዕሪን ቁርጽናን ዝረአ እምነት፡ ካብ ቀሊልን ሓንሳብ ዝግለጽን ፍቕሪ ዝበለጸ ከም ዝቖጽሮ ኣይትረስዑ። ንእግረ መንገዳ ካብ ህዝቢ ዘመስገነቶ ሰበይቲ ዝሃባ መልሲ ኣስተብህሉ፡
ንሱ ኸኣ፡ ‘ብዝያዳ ግና ቃል ኣምላኽ ዝሰምዑን ዝሕልዉን ብጹኣን እዮም’ (ሉቃስ 11:28) በለ። እቶም “መጀመርታ ክርስትያናት ተባሂሎም ዝተጸውዑ” ዝነበሩ ፍሉይ ምልክት፡ ንጐይታ “ብምሉእ ልቦም” ምጥባቖም ምዃኑ እውን ኣስተብህሉ (ግብሪ ሃዋርያት 11:26,23)።
