ካብ ጄ.ኤ. ቫን ፖሰክ “ብርሃን ኣብ መንበሪና” ዝተወስደ ጽሑፍ
መሰልን ሓላፍነትን
“ኣቱም ውሉድ፡ ንወለድኹም ብጐይታ ተኣዘዝዎም፡ እዚ ጽቡቕ እዩ እሞ። ኣቦኻን ኣዴኻን ኣኽብር፡ እዚ ምስ ተስፋ ዝመጸ ናይ ፈለማ ትእዛዝ እዩ፡ ምእንቲ ጽቡቕ ኪዀነልካን ኣብ ምድሪ ነዊሕ ዕድመ ኽትነብርን” (ኤፌሶን 6:1-3)።
“ኣቱም ውሉድ፡ ንወለድኹም ብዅሉ ተኣዘዝዎም፡ እዚ ንጐይታ ባህ ዜብል እዩ እሞ” (ቈሎሴ 3:20)።
ንዝምድና “ውሉዳት” ንምግላጽ፡ እቲ ናይ መጀመርታ መጽሓፍ ቅዱሳዊ ቋንቋ ክልተ ቓላት ኣለዎ፡ “ቴክኖን” (teknon) ከምኡ’ውን “ሁዮስ” (huios)። “ቴክኖን” ነቲ ናይቲ ዝምድና ቅርበት ብፍቕሪ ይገልጽ፡ “ሁዮስ” ድማ ነቲ መሰላትን ንብረታትን ከምኡ’ውን ነቲ ምስ ውሉድነት ዝተኣሳሰር ግቡኣትን ይገልጽ።
ብእንግሊዝን ካልኦት ቋንቋታትን እውን ከምኡ እዩ። ወለዲ ንውሉዶም ፍቕሮም ኪገልጹ እንተ ደለዩ፡ “ውሉደይ” ይብሉ። እታ “ውሉድ” እትብል ቃል ባዕላ ንልቢ ኣቦን ኣደን ናብ ግዜ ሕጻንነት ብቕጽበት ተዘክሮም። ካብታ ናይ መጀመርታ ቅጽበት ህልውናኡ፡ እቲ ናይ ፈለማ ድኹም፡ በኻዪ ድምጹ ናብ ዓለም ሓጢኣትን ጓህን ምምጻኡ ምስ ኣበሰረን ንልቢ ወላዲ ምስ ኣንቀጥቀጠን፡ ብዘይሓገዝ ዝነበረ ናይ ፈለማ ዓመታት ሕጻንነቱ፡ ነቲ ለዋህ ምሕረት ኣቦ ዘውጽእን፡ ብመዓልትን ለይትን ድማ ናይ ፍቕሪ ኣደ ሓልዮት ዘድልዮን። እታ ሓንቲ ቃል “ውሉድ”፡ ነቲ ውሉድ ብሓጐስ ዝተቐበሎ ኩሉ ፍቕሪ ልቢ ወላዲ ተዘክሮን ተውጽእን።
ግናኸ እቲ ዕላማ ናይቲ ለዋህ፡ ፍቑር ወለዳዊ ሓልዮት ናብ ብስለት ምስ በጽሐ፡ እቲ መንእሰይ ወዲ ወይ ጓል ኣብ ቅድሚ ወለዲ ምስ ደው በለ፡ እቶም ወለዲ ንዕኦም ግቡኣቶም ከም “ደቂ” ወይ “ኣዋልድ” ከምኡ’ውን “ወረስቲ” ኬቕርቡሎም ይኽእሉ እዮም። እቲ ውሉድ ነዘን ሓላፍነታት እዚኤን እንተ ዘንጊዕወን ወይ እንተ ረስዐን፡ እቲ ናይ ኣቦ ከቢድ ቃል፡ “ወደይ”፡ ንሕልና እቲ ረሳዒ መንእሰይ ተቐባሊ ወለዳዊ ፍቕርን ልግስን ይምሕጸን። እቲ ናይ ምዕዶ ቃል ንሕልና እቲ ውሉድ በጺሑ፡ ንቡር ውጽኢቱ እንተ ኣምጺኡ፡ እቲ ናይ ቀደም ባህ ዜብል ቃል፡ “ውሉደይ”፡ ከም ቅብኣት ንልቢ ኪመጽእ እዩ፡ ከምቲ ድሕሪ ማዕበላዊ ደበና ዝመጽእ ናይ ፈለማ ጸሓይ።
ከምኡ’ውን ንኣንበብቲ ኽሓትተኩም ይፈቐደለይ፡ ብዙሓትኩም ኣብዚ ሕጉስ፡ ግናኸ ሓላፍነት ዘለዎ ዝምድና ዘለኹም፡ እታ ጣዕሚ ዘለዋ ቃል፡ “ውሉደይ”፡ ካብ ኣፍ ፍቑር ወላዲ ናባኹም ክትመጽእ ከላ፡ ነተን ብዙሓት መዓልታትን ለይትን ናይ ዘይተቋርጽ ፍቑር ወለዳዊ ሓልዮት፡ ትዕግስቲ፡ ከምኡ’ውን ምሕረት፡ ካብታ ናይ መጀመርታ ቅጽበት ህልውናኹም ጀሚሩ፡ ብኹሉ ዓመታት ናይ ብዙሕ ግዜ ፍንፉንን ጫውጫውን ሕጻንነትኩም ዝተዋህበኩም፡ ናብ ልብኹም ተዘክሮዶ?
እታ ቃል፡ “ውሉደይ”፡ ንልብኹም እንተ ተዛሪባ፡ ንሕልናኹም እውን ትዛረብዶ፡ ፍቕርን ለዋህ ሓልዮትን ወለድኹም ብኸመይ ኪኽፈል ከም ዚኽእል? እታ ፍቕሪ፡ ነተን ነዊሕ ሰዓታት ለይቲ ወይ ኣብ ልዕሊ ሕሙም ዓራትኩም ዝተዓዘበት፤ ወይ ብሓማም ገጽ ብሓይሊ ጸሓይ ዝሰርሐት፤ ወይ ንቑሪን ማዕበልን ዝተጻወረት ምእንቲ ኽትምገቡን ክትለብሱን። እታ ንኽቡር ነፍስኹም ዝተዓዘበት፡ ብምዕባይን ምዕዶን ጐይታ ዘዕበየትኩም፡ ከምኡ’ውን ብመዓልትን ለይትን ምእንቲ ነፍስኹም ናብ ኣምላኽ ብጸሎት ዝተቓለሰት። ንኣምላኽን ንወለድኹምን ፍረታት ኣቕሪብኩምዶ?
