ሓቂ ኣበይ እዩ…

… ብዛዕባ የሱስ ክርስቶስ፧

መን እዩ፧ ከመይ ዝበለ እዩ ነይሩ፧ ኣብ ዓለምናኸ ሎሚ እንታይ ግደ ኣለዎ፧ ብዙሓት ሰባት ብዛዕባ እዚ ሕቶታት እዚ ይደናገሩ እዮም። ጌጋ ሓበሬታ ኻብ ብዙሕ ምንጭታት ይርከብ። ናብ ሓደ ሓቀኛ ምንጪእንተ ዘይከይድና፡ ብዛዕባ የሱስ ክርስቶስ ብዙሕ ጌጋ ሓሳባት ክንወስድ ንኽእል ኢና።

የሱስ ክርስቶስ መን እዩ፧

ቅድሚ 2000 ዓመት ዝነበረ ሓደ ካልእ ሰብ ጥራይ ድዩ ነይሩ፧

ቅድሚ የሱስ ምውላዱ ነብዪ ኢሳይያስ ከምዚ ኢሉ ገሊጽዎ፡ «ስሙ ድንቂ፡ መኻሪ፡ ብርቱዕ ኣምላኽ፡ ኣቦ ዘለኣለም፡ መስፍን ሰላም ኪስመ እዩ» (ኢሳይያስ 9:6 NKJV)።

ቶማስ፡ እቲ ሓደ እዋን ዝተጠራጠረ ደቀ መዝሙር ክርስቶስ፡ ኣብ መወዳእታኡ ኸምዚ ኢሉ ገሊጽዎ፡ «ጐይታይን ኣምላኸይን!»
(ዮሃንስ 20:28)።

ኣምላኽ ባዕሉ ኸኣ ከምዚ ኢሉ ኣፍሊጥዎ፡ «እዚ ፍቑር ወደይ እዩ፡ ብእኡ ባህ ይብለኒ። ንዕኡ ስምዕዎ!» (ማቴዎስ 17:5)።

✨ ከመይ ዝበለ እዩ ነይሩ፧

ክርስቶስ ብሓቂ ከመይ ዝበለ ከም ዝነበረ ንምፍላጥ፡ ነቲ ዘይቅየር ቃል ኣምላኽ፡ መጽሓፍ ቅዱስ፡ ብዛዕባኡ ዘሎ ሓደ እሙን ምንጪ ሓበሬታ፡ ከነንብብ ኣሎና።

ኣብኡ ኸኣ ህይወቱ ምስ ፍጹም ቅድስና ምስ ሓቀኛ ምሕረት ንዝጠፍኡ ነፍሳት ከም ዝተዋሃሃደ ንረክብ። ንብዙሓት ሰባት ኣሕዊዩን መጊቡን። ሓጢኣቶም ይቕረ ኢሉሎም። ህይወቱ ኸኣ ምእንቲ ሓጢኣትና ኣብ መስቀል ምሟት የጠቓልል።

ወንጌል ማርቆስ ነቲ ገሊኦም ተዓዘብቲ ክርስቶስ ዝነበሮም ድንጋጽ ከምዚ ኢሉ ይገልጾ፡ «ንኹሉ ጽቡቕ ገይሩ። ንጸማማት እውን የሰምዕ፡ ንዓባሳት እውን የዛርብ» (ማርቆስ 7:37)።

ጴጥሮስ፡ ክርስቶስ ንምጥላም ምርጫ ምስ ቀረበሉ፡ ብርግጽ ከምዚ ኢሉ ተዛሪቡ፡ «ጐይታይ፡ ናብ መን ክንከይድ፧ ንስኻ ቃል ህይወት ዘለኣለም ኣሎካ… ንስኻ ክርስቶስ፡ ወዲ ህያው ኣምላኽ ኢኻ» (ዮሃንስ 6:68-69)።

መጽሓፍ ቅዱስ የሱስ ክርስቶስ ሓጢኣት ከም ዘይነበሮምንም ጥርጣረ ኣይገድፍን። የሱስ፡ «ኣባኻትኩምሲ ሓጢኣት ዘሎኒ መን እዩ፧» ዝብል ብድሆ ምስ ኣቕረበ፡ ሓጢኣት ከም ዝገበረ ዜርኢ ሓደ እኳ ኣይነበረን (ዮሃንስ 8:46)።

መጽሓፍ ቅዱስ ከምኡ እውን ነቲ ሓጢኣትና ንምውሳድ ዝመጸ፡ ባዕሉ ሓጢኣት ከም ዘይነበሮ ይብል (1 ዮሃንስ 3:5)።

ሎሚ እንታይ ግደ ኣለዎ፧

ሃዋርያ ዮሃንስ ከምዚ ይነግረና፡ «ኣቦ ንወዱ መድሓኒ ዓለም ገይሩ ለኣኾ» (1 ዮሃንስ 4:14)።

ሎሚ፡ የሱስ ክርስቶስ ንኹሎም ናብኡ ንዝምለሱ ንይቕረታ ምእንቲ ሓጢኣቶም የድሕኖም። ነቶም ዝኣምኑሉ ኸኣ ከምዚ ኢሉ ይምሕል፡ «ኣይሓድገካን፡ ኣይጥልመካን» (እብራውያን 13:5)።

ገሊኦም ሰባት ብሓቂ ዘይፍጹም ክርስቶስ ይመርጹ። ከምቶም ካልኦት እንተኾይኑ፡ ምሳኡ ምምስሳል ቀሊል እዩ ይብሉ። ግናኸ፡ ነፍሲ ወከፍና፡ ሓቀኛ እንተኾይኑ፡ ባዕሉ ኣብቲ ዓሚቕ ጕድጓድ ሓጢኣትይረክብ።

ክርስቶስ ኣብቲ ሓደ ጕድጓድ እንተኾይኑ፡ ከመይ ገይሩ እሞ ከውጽኣና ይኽእል፧ ንምድሓንና ኣብ ላዕሊ ዘሎ ሰብ የድልየና።

ንጉስ ዳዊት ከምዚ ዝበለ ምድሓን ረኺቡ፡ ጐይታ ኸምዚ ኢሉ ብሓጐስ ተዛሪቡ፡ «ካብቲ ዘሰቅቕ ጕድጓድ ኣውጺኡኒ፡ ኣእጋረይ ኣብ ከውሒ ኣንቢሩ፡ ስጕምትታተይ ኣጽኒዑ»
(መዝሙር 40:2)።

❤️ ትፈልጦዶ፧

ንመጽሓፍ ቅዱሳዊ ክርስቶስ ዝትክእ የልቦን ። ሃዋርያ ጴጥሮስ፡ ንሱ በይኑ ከም ዘድሕንከምዚ ኢሉ ተዛሪቡ፡ «ብእኡ ኽንድሕን ዝግብኣና ኻልእ ስም ኣብ ትሕቲ ሰማይ ንሰብ ኣይተዋህበን» (ግብሪ ሃዋርያት 4:12)።

ንየሱስ ብሕታዊ መድሓኒኻ ገይርካ ዘይትፈልጦ እንተኾይንካ፡ ሎሚ ቃሉ ኸተንብብ ንምሕጸነካ። ብወንጌላት ጀምር እሞ ከምዚ ዝብሉ ምዃኖም ክትረክብ ኢኻ፡ «ንዝኣምን ዘበለ ኹሉ ንምድሓን ሓይሊ ኣምላኽ እዩ»
(ሮሜ 1:16)።

— ኤስ. ሃድሊ