ዕለታዊ ብርሃን, 22 ጉንበት: ሰላም እሓድገልኩም ኣለኹ፤ ሰላመይውን እህበኩም ኣለኹ

ሰላም እሓድገልኩም ኣለኹ፤ ሰላመይውን እህበኩም ኣለኹ፤ እቲ ኣነ ዝህበኩም ዘለኹ።

ዮሃንስ 14:27

ዓለምን፥ እቲ ዅሉ ፍትወታን፥ ሓላፋይ እዩ።

1ይ ዮሃንስ 2:17

ብኸንቱ ይህወኽ እምበር፥ ብሓቂ ሰብ ከም ፅላሎት እዩ ዝመላለስ፤ ይእክብ፥ ንመን ከም ዝእክበሉ ግና ኣይፈልጥን።

ዳዊት 39:6

ካብቲ ሕዚ እትሓፍሩሉ ዘለኹም ነገራት፥ እንታይ ኣፍረኹም? መወዳእታ ናይቲ ነገራት እቱይ፥ ሞት እዩ እሞ።

ሮሜ 6:21

ንምንታይ ብብዙሕ ትጭነቒን ትህወኺን ኣለኺ? እቲ ዘድሊ ግና፥ ሓደ ጥራሕ እዩ። ማርያምስ ነቲ ዝበለፀ ግደ መሪፃ ኣላ፤ ካብኣ ዝወስደላ ሓደኳ የለን ኢሉ መለሰላ።

ሉቃስ 10:41–42

ኣነ ግና ብዘይ ሓሳብ ክትነብሩ ድልየተይ እዩ።

1ይ ቆሮንቶስ 7:32

በኣይ ሰላም ምእንቲ ኽትረኽቡ እዙይ ነገርኩኹም። ኣብ ዓለም እንተለኹም፥ መከራ ኣለኩም፤ እንተ ኾነ ኣይዞኹም፥ ኣነ ንዓለም ስዒረዮ እየ።”

ዮሃንስ 16:33

እምበኣር ኣምላኽ ሰላም ባዕሉ፥ ብዅሉ ወገን፥ ኵልሻዕ ሰላም ይሃብኩም።

2ይ ተሰሎንቄ 3:16

‘እግዚኣብሄር ይባርኽካን ይሓሉኻን፤ እግዚኣብሄር ገፁ የብርሀልካ፤ ይራህርሀልካውን። እግዚኣብሄር ገፁ ይምለሰልካ፤ ሰላም ድማ ይሃብካ።’

ዘሑልቍ 6:24–26

መንፈስ [ቅዱስ] ብድኻምና ይሕግዘና እዩ።

ሮሜ 8:26

እቲ ኣብ፥ ብስመይ ዝሰዶ መፀናንዒ መንፈስ ቅዱስ።

ዮሃንስ 14:26

ሰብነትኩም፥ ቤተ መቕደስ ናይቲ ኻብ እግዚኣብሄር ዝተቐበልኩምዎ፥ ኣብ ውሽጥኹም ዘሎ መንፈስ ቅዱስ ከም ዝኾነዶ፥ ኣይትፈልጡን ኢኹም?

1ይ ቆሮንቶስ 6:19

ምእንቲ ሰናይ ፍቓዱ ኢሉ።

ፊልጵስዩስ 2:13

ከመይ ጌርና ኽንፅሊ ኸም ዝግብአና፥ ኣይንፈልጥን ኢና፤ ስለዙይ እቲ መንፈስ ባዕሉ እዩ ብዘይንገር እህህታ ዝማልደልና። እቲ ልቢ ዝምርምር እግዚኣብሄር፥ ናይ መንፈስ [ቅዱስ] ሓሳብ እንታይ ከም ዝኾነ ይፈልጦ እዩ፤ መንፈስ ከም ፍቓድ እግዚኣብሄር ምእንቲ ቕዱሳን ይማልድ እዩ እሞ።

ሮሜ 8:26–27

ንሱ ኣፈጣጥራና ይፈልጥ እዩሞ፤ ኦ ጐይታ፥ ንሕና መሬት ምዃንና ዘክር።

ዳዊት 103:14

ቅጥቁጥ ሻምብቆ ኣይሰብርን፥ ዝትኪ ፈትሊ ጧፍውን ኣየጥፍእን።

ኢሳይያስ 42:3

መንፈስ ድልዊ እዩ፤ ስጋ ግና ድኹም እዩ” በሎም።

ማቴዎስ 26:41

እግዚኣብሄር ጓሳይየይ እዩ፤ ዘስእነኒውን የለን። ኣብ ዝለምለመ ሰውሒ የሕድረኒ፤ ናብ ማይ ዕረፍቲ ይመርሐኒ።

ዳዊት 23:1–2