ድሕሪ ሾውዓተ ዓመት ውግእ፡ እታ ምድሪ ንነገድታት ከም ርስቲ ትምቀል ነበረት። ይሁዳ ቀዳማይ ነበረ፡ እቲ 85 ዓመት ዝዕድሚኡ ካሌብ፡ እቲ ደፋር ኣረጊት ተዋጋእን ቀደም ሰላዪን ዝነበረ፡ ንሱ ንእስራኤል ኣምላኽ ዝኾነ የሆዋ ብምሉኡ ስለ ዝተኸተለ፡ 45 ዓመት ቅድሚኡ ብሙሴ ዝተመባጽዓሉ ክፍሊ ንምጥላብ ናብ ቅድሚት ወጸ። ቂርያት ኣርባ—እታ ከተማ ኣርባ፡ ኣቦ ኣናቅ፡ ኣቦ እቶም ሰለስተ ኣፍረይቲ ገበግቲ እቶም ሰላዮም ዝረኣይዎም፡ እቶም ገና ኣብኡ ዝነበሩ—ናይ ካሌብ ጥሪት ኾነት። ስም እታ ከተማ ናብ ሄብሮን ተቐየረ፡ ትርጉሙ “ሕብረት” ማለት እዩ።
ካሌብ በዚ ኣይተዓገሰን፡ የግዳስ ናብታ ኣብ ጥቓኡ ዝነበረት ከተማ ቂርያት ሰፈር ወጸ። ንሱ ሓያል ኣረጊት ተዋጋኢ ጥራይ ኣይነበረን፡ የግዳስ ንኻልኦት ከመይ ገይሩ ከም ዝፈታተን እውን ይፈልጥ ነበረ! ንጓሉ ኣኽሳ ንዝኾነ ንቂርያት ሰፈር ዝወግእ ሰብ ንምምርዓው ኣቕረበ። ወዲ ሓዉ ኦትኒኤል ነቲ ፈተና ተቐቢሉ ነታ ከተማ ወሰዳ። ቂርያት ሰፈር፡ እታ “ከተማ መጽሓፍ” ዝነበረት፡ ደቢር፡ “ቃል” (ናይ ኣምላኽ) ኾነት።
ልክዕ ከም ኣቦኣ፡ ኣኽሳ ንርስቲ ኣኽቢራቶ ነበረት። ንኦትኒኤል ከም መርዓዊ ህያብ ገይሩ ንግራት ክሓትት ኣተባብዓቶ፡ ካሌብ እውን ነዚ ምስ ሃቦም፡ ንሳ ኻብ ኣድጊኣ ወሪዳ ንግራት ንምስቓይ ምንጭታት ማይ ሓተተት። “ሕተቱ እሞ ኽትረኽቡ ኢኹም” ይብለና ጐይታና። መንእሰያት ደቂ ተባዕትዮ ጥራይ ዘይኮኑስ፡ መንእሰያት ደቂ ኣንስትዮ እውን ከምዚ ዝበለ በረኸት ክደልዩ ኸለዉ ክንደይ ዘደንቕ እዩ!
