ዕለታዊ ብርሃን, 24 ሕዳር: እቶም ንቓል እግዚኣብሄር ዝሰምዕዎን ዝሕልውዎን እዮም በላ

እዞም ንቓል እግዚኣብሄር ዝሰምዕዎን ዝገብርዎን እዮም ኢሉ መለሰሎም።

ሉቃስ 8:21

እቲ ዝቕድስን እቶም ዝቕደሱን ካብ ሓደ እዮም እሞ፤ በዝ ምኽንያት እዙይ ከዓ፥ “ስምካ ነሕዋተይ ክነግሮም እየ፤ ኣብ ማእኸል ማሕበርውን፥ ምስጋናኻ ኽዝምር እየ” ስለ ዝብል “ኣሕዋተይ” ክብሎም ኣይሓፍርን እዩ።

ዕብራውያን 2:11–12

ኣብ ኢየሱስ ክርስቶስ ኴንካ፥ እታ ብፍቕሪ እትሰርሕ እምነት እምበር፥ ምግራዝ ኮነ ዘይምግራዝ፥ ጥቕሚ የብሉን እሞ።

ገላትያ 5:6

ንስኻትኩምውን፥ ኵሉ ዝኣዘዝኩኹም እንተ ፈፂምኩም፥ ኣዕርኽተይ ኢኹም።

ዮሃንስ 15:14

እቶም ንቓል እግዚኣብሄር ዝሰምዕዎን ዝሕልውዎን እዮም” በላ።

ሉቃስ 11:28

ፍቓድ እቲ ኣብ ሰማይ ዘሎ ኣቦይ ዝገብር ደኣ እምበር፥ ኵሉ ጐይታይ! ጐይታይ! ዝብለኒ፥ ናብ መንግስተ ሰማያት ኣይኣቱን እዩ።

ማቴዎስ 7:21

ፍቓድ እቲ ዝለኣኸኒ ምግባርን።

ዮሃንስ 4:34

“ምስኡ ሕብረት ኣለና” እናበልና፥ ኣብ ፀልማት እንተ ነበርና ንሕሱ፤ ንሓቂ እውን ኣይንገብራን ዘለና።

1ይ ዮሃንስ 1:6

እቲ ንቓሉ ዝሕሉ ግና፥ ፍቕሪ እግዚኣብሄር ኣብኡ ፍፁም ይኸውን። ኣብ እግዚኣብሄር ከም ዘለና፥ በዙይ ኢና እንፈልጥ።

1ይ ዮሃንስ 2:5

ኣብዙይ እንታይ ትገብር ኣለኻ? ዝብል ቃል እግዚኣብሄር ናብኡ መፀ።

1ይ ነገስት 19:9

ንሱ ግና ኣነ በየነይቲ መንገዲ ኸም ዝኸይድ ይፈልጥ እዩ።

ኢዮብ 23:10

ኦ ጐይታ፥ ንስኻ መርመርካኒ፤ ፈለጥካኒውን። ንስኻ ምቕማጠይን ምትስአይን ትፈልጥ፤ ንዅሉ ሓሳብ ልበይውን ገና ኻብ ርሑቕ ትፈልጦ። ኣሰረይን ዕረፍተይን ንስኻ መርመርካ፤ ንዅሉ መንገደይውን ኣቐዲምካ ፈለጥካዮ። ካብ መንፈስካ ናበይ ክኸይድ እየ? ካብ ገፅካኸ ናበይ ክሃድም እየ? ከም ንስሪ ኣኽናፍ ወጋሕታ እንተ ወሰድኩ፥ ክሳዕ መወዳእታ ባሕሪ እውን እንተ በረርኩ፥ ኣብኡውን ኢድካ ኽትመርሐኒ፥ የማንካውን ክትሕዘኒ እያ።

ዳዊት 139:1–3, 7, 9–10

ኤልያስ ከማና ሰብ እዩ፤ ዝናም ከይዘንም።

ያእቆብ 5:17

ንሰብ ምፍራሕ፥ ኣብ መፃወድያ የእቱ፤ እቲ ብእግዚኣብሄር ዝእመን ግና፥ ብሰላም ይነብር።

ምሳሌ 29:25

እንተ ተዓንቀፈውን ኣይድንግፅን፤ እግዚኣብሄር ኢዱ ሒዙ ይድግፎ እዩ እሞ።

ዳዊት 37:24

ፃድቕ ሸውዓተ ጊዜ ይወድቕ፤ ይትስእውን።

ምሳሌ 24:16

እዋኑ ምስ በፅሐ ኽንዓፅድ ኢናሞ፥ ሰናይ ስራሕ ንምስራሕ ኣይንሰልኪ።

ገላትያ 6:9

መንፈስ ድልዊ እዩ፤ ስጋ ግና ድኹም እዩ” በሎም።

ማቴዎስ 26:41

ከምቲ ኣቦ ንውሉዱ ዝርህርሀሎም፥ ከምኡ እግዚኣብሄር ንዝፈርሕዎ ይርህርሀሎም እዩ።

ዳዊት 103:13