ዕለታዊ ብርሃን, 22 ጥሪ: እዝ ኣምላኽ እዙይ፥ ንዘለኣለመ ኣለም ኣምላኽና እዩ

እዝ ኣምላኽ እዙይ፥ ንዘለኣለመ ኣለም ኣምላኽና እዩ፤ ንሱ ንዘለኣለም ክመርሐና እዩ።

ዳዊት 48:14

ኦ እግዚኣብሄር፥ ንስኻ ኣምላኸይ ኢኻ፤ ልዕል ልዕል ከብለካ ንስምካውን ክውድሶ እየ፤ ነቲ ናይ ጥንቲ ዘደንቕ ምኽሪ፥ ብፍፁም ተኣማንነት ፈፂምካዮ ኢኻሞ።

ኢሳይያስ 25:1

እግዚኣብሄር ክፍሊ ርስተይን ፅዋዐይን እዩ።

ዳዊት 16:5

ስለ ስሙውን ብመንገዲ ፅድቂ መርሐኒ። ብማእኸል ፅላሎት ሞት እኳ እንተ ኸድኩ፥ ንስኻ ምሳይ ኢኻሞ ነቲ ኽፉእ ኣይፈርሕን እየ፤ በትርኻን ምርኩስካን ንሳተን የፀናንዓኒ እየን።

ዳዊት 23:3–4

የማነይቲ ኢደይ ሓዝካኒ። ብምኽርኻ መራሕኻኒ፤ ምስ ክብሪውን ተቐበልካኒ። ኣብ ሰማይ ብዘይ ንስኻ መን ኣለኒ? ኣብ ምድሪኸ እንትርፊ ንኣኻ ዝደልዮ እንታይ ኣለኒ? ኦ ናይ ድሕነተይ ኣምላኽ፥ ልበይን ስጋይን ሃለቐ፤ እግዚኣብሄር ግና ንዘለኣለም ዕድለይ እዩ።

ዳዊት 73:23–26

ልብና ብእኡ ይሕጐስ ኣሎሞ፥ ብቅዱስ ስሙ ተኣሚንና ኢናሞ።

ዳዊት 33:21

እግዚኣብሄር ክፈድየለይ እዩ፤ ኦ ጐይታ፥ ምሕረትካውን ንዘለኣለም እዩ፤ ኦ ጐይታ፥ ንተግባር ኣእዳውካውን ሸለል ኣይትበል።

ዳዊት 138:8

ኦ ጐይታ፥ ንልበይ ከም ብዝሒ መከራኣ፥ ምፅንናዕኻ ንነፍሰይ ኣሐጐሳ።

ዳዊት 94:19

ካብ ወሰን ምድሪ ናባኻ አእዊ ኣለኹ፤ ኣብ ልዕሊ እምኒ ልዕል ልዕል ኣበልካኒ።

ዳዊት 61:2

ኦ እግዚኣብሄር፥ እጭነቕ ኣለኹሞ ዋልታ ኹነኒ።

ኢሳይያስ 38:14

ትካዘካ ኣብ እግዚኣብሄር ደርቢ፤ ንሱውን ኽድግፈካ እዩ።

ዳዊት 55:22

ኣነ ኸዓ መውፅእየይን መእተውየይን ዘይፈልጥ ንእሽተይ ቈልዓ እየ።

1ይ ነገስት 3:7

ሓደ ኻባኻትኩም ጥበብ ዝጐደሎ እንተ ሃልዩ ... ንሱውን ክህቦ እዩ።

ያእቆብ 1:5

ነዝ ነገርዙይ ብቑዕ እየ ዝብልከ መን ኣሎ?

2ይ ቆሮንቶስ 2:16

ሰናይ ንምግባር ደኣ ድልየት ኣለኒ እምበር፥ ሰናይ ግብርስ የብለይን።

ሮሜ 7:18

ንሱ ግና “ሓይለይ ኣብ ድኻም እዩ ፍፁም ዝኸውን እሞ፥ ፀጋይ ይኣኽለካ” በለኒ።

2ይ ቆሮንቶስ 12:9

ሓጢኣትካ ተሓዲጉልካ እዩ” በሎ። ... ኣይዞኺ ጓለይ! እምነትኪ ኣሕውያትኪ” በላ።

ማቴዎስ 9:2, 22

ነፍሰይ ብጠስምን ብስብሕን ከም ዝፀግቡ ኽትፀግብ እያ፤ ... ኣብ ምድቃሰይ እዝክረካ ኣለኹ፤ ኣንጊሀውን እናገረልካ ኣለኹ።

ዳዊት 63:5–6