ጐይታ ሰራዊቱ ኣዝዩ ብዙሕ ምዃኑ ንጌዴዎን ምስ ነገሮ፡ ጌዴዎን ከመይ ተሰሚዕዎ ኪኸውን ከም ዚኽእል ክትግምት ትኽእል ዲኻ? መጀመርታ 135,000 ን 32,000 ተበሊጾም ነበሩ—ካብ 4 ን 1 ዝበዝሑ። ብመሰረት ሕጊ (ዘዳ. 20:8) ፡ ካብ ሰራዊት ክልተ ሲሶ ዝበዝሑ ፈሪሖም ናብ ገዝኦም ተመልሱ፡ ብሃንደበት ድማ ናብ 10,000 ሰባት ወረደ። ሽዑ ጐይታ ህዝቢ ገና ብዙሕ እዩ በለ! ጐይታይ፡ ትቀልድ ዲኻ? እትገብሮ ዘለኻ ብሓቂ ትፈልጦ ዲኻ? «ሓሳባተይ ሓሳባትኩም ኣይኮነን፡ መገድታተይ እውን መገድታትኩም ኣይኮነን» ይብል ጐይታ (ኢሳ. 55:8–9)።
ጐይታ ንጌዴዎን ንዝተረፉ ሰባቱ ንምስታይ ናብ ማይ ኬውርዶም ኣዘዞ። ኣምላኽ ኣብ ንቡር ተመክሮታት ህይወት መዓስ ከም ዚፍትነና ፈጺምና ኣይንፈልጥን። ኵሎም ወተሃደራት ከባቢኦም ተንበርኪኾም ማይ ሰተዩ፡ ኣፎም ብቐጥታ ናብ ማይ ኣምጺኦም። 300 ጥራይ ደው ኢሎም፡ ማይ ብቕልጡፍ ብኢዶም ኣንሲኦም ከም ኣኽላባት ለሓስዎ። ብዓይኖም ናብ መራሒኦም እናጠመቱ ንቑሓት ኮይኖም ጸንሑ፡ ኣጽዋሮም ከይሓደጉ ወይ ንደሓንነቶም ከየጕደሉ፡ ጥምየቶም ዜርዊ ጥራይ ሰተዩ። በዚ ንእሽቶ ጕጅለ 300፡ ጐይታ ንእስራኤል ካብ ጨቋንቶም ኬድሕኖም እዩ።
እወ፡ ኣምላኽ ንዕሽታት፡ ንድኹማት፡ ንሕሱራትን ንዝተናዕቑ ነገራት ዓለም «ንዘለዉ ነገራት ከም ዘይነበሩ ኺገብሮም፡ ስጋ ኸኣ ኣብ ቅድሚኡ ኸይመካሕ» (1 ቈረ. 1:26–29) ሓሪይዎም። ጌዴዎን ብሓገዝ ኣምላኽ ሓደ ወተሃደር 1000 ከም ዜባርር፡ ክልተ ድማ 10,000 ከም ዜባርሩ (ዘዳ. 32:30) እንተ ዝዝክር፡ 28 ወተሃደራት ንምሉእ ሰራዊት ሚድያናውያን ንምስዓር እኹላት ምዃኖም ኬተባብዖ ምኸኣለ! «ጐይታ ብብዙሓት ወይ ብቑዱባት ኬድሕን ዚኽልክሎ የልቦን» (1 ሳሙ. 14:6)።
