ንሕና ብኣድላይነትና ብዙሕ ንምልከት። ንጐይታ የሱስ፡ ንብዙሓት ሰባትን ውልቀ ሰባትን፡ ንኣረገውትን ንኣሽቱን፡ ካብ ኩሉ ማሕበራዊ ደረጃ ዝመጹን ኣድላይነቶም ዝመለአ፡ ክንሓስብ ንፈቱ፡ ብኸምዚ ድማ ንዕኡ ምፍላጥ ጽቡቕ እዩ። ግናኸ ብዛዕባ ናይ ባዕሉ ኣድላይነትኸ እንታይ ኮን ይኸውን? ኣብ ብዙሕ ኣጋጣሚታት ንሱ ንኣድላይነቱ ንምምላእ ንኻልኦት ክጥቀም ባህ ይብሎ ነይሩ፡
• ንሱ ንሓደ ወዲ ኣድጊ ዝውንን ሰብ፡ ነቲ ዘድልዮ መጓዓዝያ ንምምላእ ተጠቕመሉ።
• ካብ ባሕሪ ንብዙሓት ሰባት ንምዝራብ፡ ጃልባ ጴጥሮስ ክጥቀም ሓተተ።
• ኣብ ሳማርያ ኣብ ጥቓ ዒላ ደኺሙ ምስ ነበረ፡ ንሓንቲ ሰበይቲ ማይ ሓተተ—እዚ ግና ብቐንዱ ብዛዕባ እቲ ንሱ ክህባ ዝኽእል ማይ ንምዝራብ እዩ ነይሩ።
• ንኽልተ ዓሳን ሓሙሽተ እንጌራን ናይ ሓደ ንእሽቶ ወዲ ብብዙሕ በረኸት ክጥቀም ባህ ይብሎ ነይሩ።
• ነቲ ማርያም ዘፍሰሰቶ ሓደ ሊጥ ሽቶ ስፒከናርድ ተቐበለ። ገሊኦም ብዛዕባ ከምዚ ዝኣመሰለ ምምዳብ ሃብቲ ዘይሓጐሱ እኳ እንተነበሩ፡ ጐይታ ግና ንዕኣ ደገፋ። ዘይጠቅም ኣይነበረን፤ ምእንቲኡ እዩ ተገይሩ፡ “ሕደግዋ” በለ።
• ኒቆዲሞስ ንምቕባር ጐይታ፡ ኣስታት ሚእቲ ሊጥ ዝኸውን ሕዋስ ከርበን ኣሎኤን ኣምጸአ።
• ዮሴፍ ዘኣርማትያ ድማ ንስጋ ጐይታ መቓብር ሃበ።
ጐይታ ብርግጽ ኩሉ ዝኽእልን ሓያልን እዩ፡ ግናኸ ንህዝቡ ኣብ ዕዮኡ ክጥቀም ባህ ይብሎ። ንዓኻ ክጥቀመካ ይደሊ። ሎሚ ብኸመይ ክተገልግሎ ከም እትኽእል ሓቲትካዮ ዲኻ?
