ሮሜ 7፡ ጳውሎስ ዘሕለፎ ጸገም ይገልጽ። እዚ ድማ ኩሎም ምእመናን ዘሕለፍዎ ክኸውን ይኽእል እዩ። ንሳቶም ንእግዚኣብሄር ከኽብሩ ይደልዩ፣ እንተኾነ ግን ካብ ሓይሊ ሓጢኣት ክወጹ ኣይከኣሉን። ተማሃሮ መጽሓፍ ቅዱስ፡ ኣብቲ ጥቕሲ እቲ፡ እቶም ውልቃውያን ተውሳኽ ግሲ “ኣነ”፣ “ንኣይ”፣ ከምኡ’ውን “ናተይ” ዝብሉ ቃላት ብዙሕ ሳዕ ከም ዝተጠቕሱ ብግቡእ ተመልኪቶም እዮም። ኣብ ርእስና ምስ እነተኩር፡ ናብ ተስፋ ምቑራጽ ንወርድ። ምድሓን ዝመጽእ ብስራሕ የሱስ ክርስቶስን ብሓይሊ መንፈስ ቅዱስን ጥራይ እዩ (ሮሜ 7:24–8:2)።
ከም ውጽኢቱ ግን፡ ክርስትያናት ብዛዕባ ርእሶም ፈጺሞም ከይሓስቡ ኸም ዘለዎም ይንገር። ኣብቲ ሮሜ 7 ዘሎ ሓሳብ፡ እዚ ኣገዳሲ እዩ። እንተኾነ ግን፡ ግጉይ ስምዒት ከይንህብ ክንጥንቀቕ ኣሎና። ክርስትያናት ውልቃዊ ሓሳባት፡ ስምዒታት፡ ድሌታት፡ ወይ ትልምታት ፈጺሞም ክህልዎም የብሎምን ማለት ሓቂ ኣይኮነን። ንኣብነት፡ ኣብታ ንእሽቶ መጽሓፍ ፊልጲ፡ እቶም ውልቃውያን ተውሳኽ ግሲ ልዕሊ 100 ሳዕ ተጠቒሶም ኣለዉ!
ጳውሎስ ኣብ ፊልጲ ዝጥቀመሉ “ኣነ” ዝብል ቃል፡ ካብቲ ኣብ ሮሜ 7 ዝጥቀመሉ ስለምንታይ እዩ ዝተፈላለየ? እቲ ፍልልይ ክርስቶስ እዩ። ኣብ ፊልጲ፡ ትምኒትን ትልምታትን ጳውሎስ ምስቲ ከም ክርስትያን ዝነበሮ መንነት ዝተኣሳሰረ እዩ ነይሩ። እዚ ድማ ንሱ ንእግዚኣብሄር እናዓየየ፡ ንኣገልግሎት ዘለዎ ድሌት፡ ንፊልጲ ንምብጻሕ ዘለዎ ትልሚ፡ ከምኡ’ውን ብዛዕባ መንፈሳውን ስጋውን ጥዕና ናይ ካልኦት ዘለዎ ዓሚቕ ሓሳባት እናገለጸ፡ ናብ ቅድሚት ክኸይድ ገይርዎ።
“ንኣይሲ ምንባር ክርስቶስ እዩ፡ ምሟት ድማ ረብሓ እዩ” (ፊልጲ 1:21) ክንብል እንተኽኢልና፡ ኣብ ዓወታትና ዘይኮነስ ኣብ ክርስቶስ እንተዓሪፍና፡ ሽዑ እቲ ውልቃዊ ተውሳኽ ግሲ “ኣነ” ንእግዚኣብሄር ከነገልግል ከለና ኪቕደስ ይኽእል እዩ።
