ዕለታዊ ብርሃን, 5 መስከረም: ከምቲ ሰብነት ሓደ እንተሎስ፥ ብዙሕ ኣካላት ዘለዎ

ከምቲ ሰብነት ሓደ እንተሎስ፥ ብዙሕ ኣካላት ዘለዎ፥ ... ክርስቶስውን ኸምኡ እዩ።

1ይ ቆሮንቶስ 12:12

ናይታ ሰብነቱ ዝኾነት ቤተ ክርስቲያን።

ቈላስይስ 1:18

ርእሲ ቤተ ክርስቲያን ገይሩውን፥ ኣብ ልዕሊ ዅሉ ሸሞ። ንሳ ኣካሉ እያ፤ ንኣኣን ንዅሉን ዝመልእ፥ ናቱ ምልኣቱ እያ።

ኤፌሶን 1:22–23

ንሕና ኸዓ፥ ኣካላት ሰብነት ክርስቶስ ኢና።

ኤፌሶን 5:30

እንተ ኾነ ስጋ ኣዳሎኻለይ።

ዕብራውያን 10:5

ነቲ ገና ዘይተሰርሐ ኣካለይ፥ ኣዒንትኻ ረአያ፤ እቶም ዝተፈጠሩ መዓልትታተይ ሓደኳ እንተይነበረ፥ ኣብ መፅሓፍካ ተፅሓፉ።

ዳዊት 139:16

ናትካ ነበሩ፤ ንኣይ ድማ ሃብካኒ።

ዮሃንስ 17:6

ኣብ ቅድሚኡ ቕዱሳንን፥ ነውሪ ዘይብልናን ምእንቲ ኽንከውን።

ኤፌሶን 1:4

ንሱ ንብዙሓት ኣሕዋት በዅሮም ምእንቲ ክኸውን፥ ነቶም ኣቐዲሙ ዝሓረዮም።

ሮሜ 8:29

ብዅሉ ነገር ናብቲ ርእሲ ዝኾነ ክርስቶስ ንዕበ። ብክርስቶስ ከዓ፥ ኵሉ እቲ ሰብነት ብምሉኡ፥ በቲ ዝተውሃቦ መገጣጠሚ ተተሓሒዙን ተጠሚሩን ... ናይ ባዕሉ ስራሕ እናገበረ፥ ብፍቕሪ ይዓብን ይህነፅን።

ኤፌሶን 4:15–16

ንርእሶም ከዓ ማይ ዘየዕቍር፥ ነቓዕ ሓፅብታት ኲዒቶም እዮም።

ኤርሚያስ 2:13

ኦ ጐይታ፥ ንምሕረትካ ኽንደይ ኣብዛሕኻ! ኵሎም ደቂ ሰብ ኣብ ትሕቲ ኣኽናፍካ ይእመኑ። ካብ ቤትካ ጠሊ ይሰትዩ፤ ካብ ወሓዚ በረኸትካ ተርውዮም። ናይ ህይወት ፍልፍል ካባኻ እዩሞ።

ዳዊት 36:7–9

ስለዙይ ጐይታ እግዚኣብሄር ከምዙይ ይብል፦ እንሆ፥ እቶም ባሮተይ ክበልዑ፥ ንስኻትኩም ግና ኽትጠምዩ ኢኹም፤ እንሆ፥ እቶም ባሮተይ ክሰትዩ፥ ንስኻትኩም ግና ኽትፀምኡ ኢኹም።

ኢሳይያስ 65:13

ካብቲ ኣነ ዝህቦ ማይ ዝሰቲ ግና፥ ንዘለኣለም ኣይፀምእን፤ እቲ ኣነ ዝህቦ ማይ፥ ኣብ ውሽጡ ዝፍልፍል ዓይኒ ማይ ክኾነሉ እዩ” በላ።

ዮሃንስ 4:14

እዙይ ብዛዕባቲ እቶም ብእኡ ዝኣምኑ፥ ክቕበልዎ ዘለዎም መንፈስ ቅዱስ እዩ ዝተዛረበ።

ዮሃንስ 7:39

“ኣቱም ፅሙኣት ኵልኻትኩም ናብ ማይ ንዑ።

ኢሳይያስ 55:1

መንፈሱን እታ መርዓትን፥ “ነዓ” ይብሉ ኣለዉ፤ እቲ ዝሰምዕውን “ነዓ” ይበል። ዝፀምአ ኸዓ ይምፃእ፤ ዝደለየውን ማይ ህይወት ብኸምኡ ይውሰድ።

ራእይ 22:17